વડોદરાના સાવલી પોલીસ મથકમાં ફરજ બજાવનાર મહિલા કોન્સ્ટેબલની હત્યા થતાં પોલીસે બેડામાં ચકચાર મચી ગઈ છે.મળતી માહિતી પ્રમાણે 25 વર્ષીય હેમા 15 ફેબ્રુઆરીએ નોકરી પરથી છૂટી ઘરે પરત જવા રવાના થઈ હતી.પરંતુ તે ઘરે પહોંચી ન હતી.
જે બાદ હેમાના પરિવારજનો દ્વારા પોલીસ સ્ટેશનમાં પૂછપરછ કરાતાં હેમા 15 મીએ જ નોકરી પરથી જતી રહી હોવાનું જાણના મળ્યું હતું.જે બાદ સમગ્ર ઘટનાની ગંભીરતા લેતા પોલીસે તપાસ હાથ ધરી તો વકીલપુરા ગામની સીમમાંથી અર્ધબળેલી હાલતમાં હેમાનો મૃતદેહ મળી આવ્યો.
આ ઘટના સામે આવતા જ હેમાના પરિવારની સાથે-સાથે પોલીસ બેડામાં પણ આઘાતની સ્થિતિ જોવા મળી છે.પોલીસે હાલ સમગ્ર મામલાની ગંભીરતાને જોતાં હેમાના આરોપીઓને પકડવા કવાયત હાથ ધરી છે.જોકે કોણે હેમાની આ હાલત કરી અને ક્યા કારણોસર તેની હત્યા કરાઈ તે અંગે હજૂ કારણ જાણી શકાયું નથી.હાલ સાવલી પોલીસ દ્વારા સમગ્ર મામલે તપાસ હાથ ધરવામાં આવી છે.