વડોદરાના લક્ષ્મીપુરામાં એક શાળામાં વાલીએ ભારે હોબાળો મચાવી દીધો. વાલીનો આરોપ છે કે શિક્ષીકાએ તેમની બાળકીએ હોમવર્ક ન કર્યું હોવાથી સજાના ભાગરૂપે કપડા કાઢવાનું કહ્યું હતું. ઘટના છે લક્ષ્મીપુરાની સી.કે. પ્રજાપતિ શાળાની. જ્યાં વિદ્યાર્થિનીએ હોમવર્ક ન કર્યું હોવાથી શિક્ષીકાએ વિદ્યાર્થિનીને શાળામાં કપડા ખોલવાની સજા આપી હતી.
જે મામલે વિદ્યાર્થિનીની માતાએ શાળામાં હોબાળો મચાવી દીધો હતો. જોકે બાદમાં પ્રિન્સિપાલે આ મામલે કાર્યવાહી કરતાં શિક્ષીકાનું રાજીનામું લેવામાં આવ્યું હતું પરંતુ ચોંકાવનારી ઘટના એ છે કે ઘટનાના દિવસના તમામ CCTV ફૂટેજ પણ ગાયબ થઈ ગયા છે.
તો બીજી તરફ શિક્ષીકા તમામ આક્ષેપો ફગાવી રહ્યા છે. શિક્ષીકાનું માનીએ તો તેમને વિદ્યાર્થિનીને કપડા નહોતા ઉતરાવ્યા. હોમવર્ક ન કર્યું હોવાથી માત્ર કપડા ઉતારી દઈશ તેવી ધમકી આપી હતી કે જેથી બાળક ડરીને બીજી વખત હોમવર્ક પૂર્ણ કરીને આવે.