વડોદરાની લાયન્સ અંધ કન્યા શાળાનો 27મો વાર્ષિકોત્સવ યોજાયો હતો.આ વાર્ષિકોત્સવમાં મોટી સંખ્યામાં દિવ્યાંગ બાળકોએ ભાગ લીધો હતો.આ વાર્ષિકોત્સવમાં અનેક કાર્યક્રમોનું પણ આયોજન કરવામાં આવ્યું હતું.
જેમાં બાળકોએ ખૂબ ઉત્સાહ સાથે ગ્રુપ ડાન્સ ગ્રુપ સોંગ સોલો ડાન્સ ગુજરાતી ટીમડી અને લેહરી લાલા જેવા નૃત્યોમાં ભાગ લીધો હતો. આ પ્રસંગે વાલીઓથી લઇ અનેક મહાનુભાવો પણ હાજર રહ્યા હતા.અને બાળકોની કળાને બિરદાવી હતી.
ઉલ્લેખનીય છે કે આ વાર્ષિકોત્સવમાં ભાગ લેનાર પ્રજ્ઞાચક્ષુને જોઇને એવું લાગતું નહોતુ કે તેમની પાસે આંખો નથી.એક માસની આકરી તૈયારી બાદ ગતરોજ ઉજવાયેલા આ સાંસ્કૃતિક કાર્યક્રમમાં ભાગ લેનાર બાળકોને પ્રેક્ષકોએ તાળીઓથી વધાવી લઇ તેમને પ્રોત્સાહન આપ્યું હતું.