વડોદરામાં બેંક ઓફ બરોડાનું ATM તોડી 10 લાખની ચોરી થઈ છે.વડોદરાના આજવા રોડ પર આવેલા બેંક ઓફ બરોડાના ATMને ચોર ટોળકીએ નિશાન બનાવ્યું છે.ATMને ગેસ કટરથી કાપીને ચોરીની ઘટનાને અંજામ આપવામાં આવ્યો છે.ATMમાંથી 10 લાખની ચોરી થયાનું સામે આવ્યું છે.તો ચોર એટલા શાતિર હતા કે CCTV કેમેરા પણ પોતાની સાથે લઈને ફરાર થઈ ગયા છે.
ઉલ્લેખનીય છે કે ઠંડીનો માહોલ ચાલી રહ્યો છે ત્યારે મોટા ભાગના લોકો ઘરમાં પુરાઇ રહેવાનું વધુ પસંદ કરે છે ત્યારે વડોદરા ખાતે આવેલ બેંક ઓફ બરોડાનાં ATMમાં ચોરીની ઘટના બની હતી. આ ઘટનામાં ગત મોડી રાત્રે વડોદરાના આજવા રોડ પર આવેલા બેંક ઓફ બરોડાના એટીએમમાં તસ્કરો ત્રાટક્યા હતા.
તસ્કરોએ બેંકના એટીએમમાં પ્રવેશ કરી સૌ પ્રથમ સીસીટીવી કેમેરા તોડી નાખ્યા હતા. બાદમાં ગેસકટરથી એટીએમ કાપી નાખ્યું હતું. એટીએમમાં રહેલા કેશબોક્સમાંથી રૂ.10 લાખની મત્તા તેઓ ચોરી કરી ફરાર થઇ ગયા હતા. તસ્કરોએ ૧૦૦ના દરની ૪૩ પ૦૦ના દરની ૭પ અને ર૦૦૦ના દરની ૬૭પ નોટો ચોરી કરી હતી