ભાવનગરઃ જિલ્લા પંચાયત સંચાલિત શાળાઓમાં જિલ્લા શિક્ષણ અધિકારીની છેલ્લા બે વર્ષથી જગ્યા ખાલી છે. જેને લઇને શિક્ષણ સંઘ દ્વારા રાજ્યકક્ષાના શિક્ષણમંત્રી વિભાવરી દવેને આ અંગેની રજૂઆત કરાઇ છે.
ઉલ્લેખનીય છે કે જિલ્લા પંચાયત હસ્તક 1 હજાર જેટલી શાળાઓ આવેલી છે. છેલ્લા 2 વર્ષથી શિક્ષણ અધિકારીની જગ્યા ખાલી રહેતા રજૂઆત કરાઇ હતી. વિભાવરી દવે શિક્ષણમંત્રી બન્યા બાદ પ્રથમ વખત ભાવનગરની મુલાકાતે આવ્યા હતા. મોટી સંખ્યામાં લોકો હાજર રહ્યા હતા.
જોકે તેમણે તેમના સન્માન માટે રેલી કે સભા સહિતના કોઇ પણ કાર્યક્રમ નહીં કરવાનો નિર્ણય લીધો હતો. જેને લઇ માત્ર શુભેચ્છા મુલાકાત જ લોકોએ લીધી હતી.