રાજ્યભરમાં ઉત્તરાયણની રંગેચંગે ઉજવણી દોરીએ લીધા કેટલાકના જીવ

અમદાવાદમાં પતંગ રસિયાઓએ ઉત્સાહ અને જોશ પૂર્વક ઉત્તરાયણની ઉજવણી કરી હતી.પતંગ રસિયાઓએ જેટલો આનંદ અને ઉમંગ સાથે પતંગ ઉડાવવાનો લીધો હતો તેટલા જ આનંદ અને ઉત્સાહથી ઉત્તરાયણના તહેવારને વિદાય આપી હતી.

પતંગ રસિયાઓએ સૂરજ ઢળ્યા બાદ ફટાકટા ફોડીને આતશબાજી કરી હતી તે વખતે આકાશમાં પતંગ અને ફટાકડાની આતશબાજીનો અનેરો સંગમ સર્જાયો હતો.કેટલી અગાશીઓ પર રોશની અને ડાન્સ સાથે યુવાધને  ઉત્તરાયણને વિદાય આપી હતી.રાત્રિ દરમિયાન પ્રતિબંધ હોવા છતાં તુક્કલ ઉડતા  પણ જોવા મળ્યા હતા.

ઉલ્લેનીય છે કે ગુજરાત રાજ્યમાં મકરસંક્રાતિના પર્વને હર્ષોલ્લાસ ભેર ઉજવણી કરવામાં આવી હતી. આકાશ રંગબેરંગી પતંગોથી ઉભરાયું હતું. ડીજેના તાલે લોકો ધાબા પર ઝૂમી ઉઠ્યા હતા. ગુજરાતીઓએ માણી ઉંધિયુ જલેબી ચીક્કીનો આનંદ માણ્યો હતો.

આનંદની સાથે સાથે રાજ્યમાં અનેક જગ્યાએ અઘટીત ઘટનાઓ પણ ઘટની હતી. રાજ્યમાં ધાબાપરથી પટકાવવા અને દોરીથી ગળું કપાઇ જવાની અનેક ઘટાઓ બની છે. આ ઉપરાંત પતંગ પકડવા જતા સીટી બસ અને ટ્રેનની ટક્કરે પણ બે મોત થયા હતા.