લખનૌઃ ઉત્તરપ્રદેશમાં નગર નિગમની ચૂંટણી શરૂ થઇ ગઇ છે. પ્રથમ તબક્કાનું મતદાન શરૂ થઇ ગયું છે. પ્રથમ તબક્કામાં કુલ 24 જીલ્લાઓમાં મતદાન શરૂ થયું છે. સાંજના પાંચ કલાક સુધી મતદાન કરવામાં આવશે. પ્રથમ તબક્કામાં પ્રદેશના પાંચ નગર નિગમ 71 નગરપાલિકા અને 154 નગર પંચાયતોમાં મેયર અધ્યક્ષ કાઉન્સિલર અને સભ્ય પદ માટે મતદાન થઇ રહ્યા છે.
પ્રથમ તબક્કામાં મતદાન માટે 3 હજાર 732 મતદાન કેન્દ્ર અને 11 હજાર 679 મતદાન સ્થળ બનાવવામાં આવ્યા છે.
પ્રથમ તબક્કામાં મેરઠ આગરા કાનપુર અયોધ્યા અને ગોરખપુરમાં મેયર પદ પર ચૂંટણી માટે મતદાન થઇ રહ્યું છે. ગોરખપુરમાં મુખ્યમંત્રી યોગી આદિત્યનાથ નગર નિગમની ચૂંટણી માટે મતદાન કર્યું. લોકોનો મિજાજ બીજેપી તરફી છે.
યોગીએ કહ્યું કે નગર નિગમને વધુ સક્ષમ બનાવીશું. સાથે જ લોકોને ઉત્તમ સુવિધા ઉપલબ્ધ કરાવીશું. આ ચૂંટણીને સીએમ યોગીની પહેલી અગ્ની પરીક્ષા માનવામાં આવી રહી છે. તેમના સીએમ બન્યા બાદ રાજ્યમાં પહેલીવાર નગર નિગમની ચૂંટણી થઇ રહી છે.