વિશ્વ માટે જોખમી બન્યું ઉત્તર કોરિયા પરમાણું હથિયારો જ નહીં હવે જૈવિક હથિયારનું પણ માલિક

જેની વધતી પરમાણું તાકાતને લઈને વિશ્વ આખું ચિંતામાં છે એ ઉત્તર કોરિયા હવે એવા હથિયારો વિકસાવી રહ્યું છે જેની કોઈએ કલ્પના નહીં કરી હોય. જી હાં ઉત્તર કોરિયાનો સનકી સરમુખત્યાર કિમ જોંગ ઉન માત્ર પરમાણું હથિયારોથી ખુશ નથી જોંગ હવે બાયોલોજિકલ વેપન્સ પણ બનાવી રહ્યો છે. અમેરિકામાં પ્રકાશિત થયેલા એક અહેવાલમાં અંગેનો ઘટસ્ફોટ કરવામાં આવ્યો છે.  

 
પરમાણું હથિયારો બનાવીને અમેરિકા - રશિયા સહિત દુનિયાભરના દેશો સામે આંખો કાઢી રહેલું ઉત્તર કોરિયા વિશ્વ માટે વધુ જોખમી બની ગયું છે. અત્યાર સુધી તો તેના પરમાણું કાર્યક્રમો અને મિસાઇલથી અમેરિકા અને રશિયા સહિત વિશ્વના દેશો ડરી રહ્યા હતા હવે ઉત્તર કોરિયા બાયોલોજીક હથિયારો સાથે વધુ શિ~તશાળી બનવાના પ્રયાસો કરી રહ્યું છે.  

ફેબ્રુઆરી માસમાં કિમ જોંગના ભાઈ કિમ જોંગ નાની નર્વ એજન્ટ દ્વારા હત્યા કરવામાં આવી ત્યારબાદથી આ મુદ્દો ફરી ઉઠયો છે. ઘાતક નર્વ એજન્ટ પ્યોંગયાંગની બાયો ટેક્નિકલ ઇન્સિટયૂટથી આવ્યું હતું. આ રિસર્ચ સેન્ટર ઉત્તર કોરિયાની સેના દ્વારા સંચાલિત છે. અને કિમ જોંગ ખુબ નિયમિત રીતે તેની મુલાકાત લેતો રહે છે. આશંકા છે કે ઉત્તર કોરિયા તેના આ સેન્ટરમાં જુદી જુદી બિમારીઓ પેદા કરવાની દિશામાં કામ કરી રહ્યું છે. ઉત્તર કોરિયાના આ જૈવિક હથિયારો પ્લેગ એન્થ્રેક્સ સ્મોલ પોક્સ અને રક્તસ્રાવની બિમારી જેવા હોઈ શકે છે. દક્ષિણ કોરિયાની જાસુસી એજન્સીનું માનીએ તો ઉત્તર કોરિયાના ઓછામાં ઓછા ત્રણ બાયોલોજીક યુનિટ  અને કેટલાય રિસર્ચ સેન્ટર આવેલા છે.  

અમેરિકન થિંક ટેન્ક વેલ્ફર સેટરે આ દાવો કર્યો છે. ઉત્તર કોરિયા માટે કામ કરી ચૂકેલા કેટલાક લોકોના નિવેદનોને આધારે આ દાવો કરવામાં આવ્યો છે. જો આ રિપોર્ટનું સાચું માનીએ તો 1960ના દાયકામાં જ ઉત્તર કોરિયાએ બાયોલોજીકલ વેપન્સ બનાવવાનું શરૂ કરી દીધું હતું. કોરિયા યુદ્ધ બાદ 1950 અને 1953માં હજારો લોકોના મોત થયા હતા. જે હૈઝા ટાઇફસ ટાઇફોઇડ  અને ચેચકના પ્રકોપથી થયા હતા. એ સમયે કોરિયન સરકારે આ માટે અમેરિકાને જવાબદાર ઠેરવ્યું હતું.  

સમગ્ર વિશ્વ હાલ ઉત્તર કોરિયાના પરમાણું હથિયારો પર ધ્યાન આપી રહ્યું છે આવા સમયે અમેરિકન રિપોર્ટનો દાવો છે કે કિમ જોંગના બાયોલોજીકલ વેપન્સ પણ એટલા જ જોખમી છે અને તેની ઉપર પણ ધ્યાન આપવાની જરૂર છે.