મહેસાણાઃ રાજ્યની વિધાનસભાની 182 બેઠકો માટેની મતગણતરી શરૂ થઇ ચૂકી છે. રાજ્યમાં સત્તાનું પુનરાવર્તન થશે કે પરિવર્તન તે જાણવા માટે ગુજરાતના નાગરિકો સહિત સમગ્ર દેશ આતુર છે.
રાજ્યમાં 37 મતગણતરી કેન્દ્રો પરથી થનાર મતગણતરીમાં 1828 ઉમેદવારોનું ભાવિ નક્કી થઈ જશે. સાથે જ ખૂબ ઝડપથી ગુજરાતનો તાજ કોના શિરે આવશે તે પણ નક્કી થઈ જશે.
મતગણતરી નિર્વિધ્ને અને નિષ્પક્ષ રીતે પૂરી કરવા માટે 17000 ચૂંટણી અધિકારીઓ સહિત કર્મચારીઓ ફરજ બજાવી રહ્યા છે. સાથે જ માઈક્રો ઓબ્જર્વર સહિત 20હજાર સુરક્ષાકર્મીઓ સમગ્ર પ્રક્રિયા પર બાજ નજર રાખી રહ્યા છે. સવારે 11 વાગ્યા આસપાસ ચિત્ર સ્પષ્ટ થઈ જશે તેવી શક્યતા છે.