VIDEO:BJPના દિગ્ગજ નેતા પર હુમલો રાજકારણમાં ગરમાવો

વડોદરા:ખેડા જિલ્લાના નડિયાદ APMCના ચેરમેન અને અમુલના ડીરેક્ટર વિપુલ પટેલ ઉપર ત્રણ અજાણ્યા ઈસમો એ કર્યો હુમલો સફેદ સ્વીફ્ટ કારમાં અજાણ્યા હુમલાખોરોએ નડિયાદ -પીપલગ રોડ ઉપર આવેલા જાનવીપાર્ટી પ્લોટ પાસે વિપુલ પટેલની ગાડી આંતરી અને આ ઈસમોએ પોતાની પાસે રાખેલ દંડાથી ચેરમેન ઉપર હુમલો કરી ગારદાપાટુનો મારમારી ગાડીને નુકશાન કરીને ફરાર થઇ ગયા હતા.

ઉલ્લેખનીય છે કે ગત સાંજે નડિયાદ-પીપલગ રોડ ઉપર APMCના ચેરમેન અને અમુલના ડીરેક્ટર વિપુલ પટેલ ઉપર કરવામાં આવેલ હુમલામાં આ ઈસમોએ તેમની ગાડીના કાચ તોડીને નુકશાન પહોંચાડેલ તથા આપશબ્દો કેમ બોલે છે તેમ કહી હુમલો કરી ઈજા કરી હતી.

આ ઘટના અંગે નડિયાદ રૂરલ પોલીસે અજાણ્યા ઈસમો સામે ગુનો નોંધી કાયદેસર કાર્યવાહી હાથ ધરી છે. વિપુલ પટેલ આગાઉ ખેડા જિલ્લા ભાજપના પૂર્વ મહામંત્રી પણ રહી ચુક્યા છે ત્યારે તેમના પરની આ હુમલાની આ ઘટના ટોક ઓફ ધ ટાઉન બની છે.

હાલમાં જ વિધાનસભાની ચુંટણી ઓ પૂર્ણ થઇ છે સાથે સ્થાનિક સ્વરાજ્યની ચુંટણી ઓ ના પડઘમ વાગી રહ્યા છે ત્યારે ભાજપના અગ્રણી નેતા ઉપર હુમલો થતા રાજકારણમાં પણ ગરમાવો આવી ગયો છે.