ક્રિકેટ ફિલ્ડ પર કેટલીય વખત એવા કિસ્સા બને છે જેનાથી તમે પોતાની હસવુ રોકી શકતા નથી. ક્યારેય પ્લેયર્સના ગ્રાઉન્ડ પરના આગવા અંદાજને કારણે તો ક્યારેક એમ્પાયર્સ પોતાના વિચિત્ર કરતબોને કારણે ચર્ચામાં આવે છે. હવે ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજાએ એક વીડિયો પોતાના સોશ્યલ મીડિયા એકાઉન્ટ શેર કર્યો છે જેમાં એમ્પાયર બોલિવૂડના ગીતોને સાંભળીને ગ્રાઉન્ડ પર જ મન મૂકીને નાચવા લાગી રહ્યો છે અને ખૂબ જ ફની સ્ટેપ્સ કરી રહ્યો છે.
રવિન્દ્ર જાડેજા ભલે શ્રીલંકા વિરુદ્ઘની ટીમમાં સિલેક્ટ ન થયો હોય પરંતુ તેણે આ એન્ટેરટેનિંગ વીડિયો પોતાના સોશ્યલ મીડિયા પર શૅર કર્યો છે જેને જોઇને તમે તમારું હસવાનું રોકી નહી શકો.. સર જાડેજાએ પોતાના ઇન્સ્ટાગ્રામ એકાઉન્ટ પર આ વીડિયો શૅર કર્યો છે જેમાં મેચ દરમિયાન ગેમ કરતા વધારે એમ્પાયરના આ ફની ડાન્સે ઘણા લોકોનું ધ્યાન ખેંચ્યું છે.
તેણે આ પોસ્ટમાં કેપ્શન આપતા લખ્યું કે 'ઓહ માઈ ગોડ' હવે હસવું રોકી શકું તેમ નથી. રવિન્દ્ર જાડેજાની આ પોસ્ટ પર ફેન્સ પણ એમ્પાયરના આ ડાન્સ પર અલગ-અલગ પ્રતિક્રિયા આપી રહ્યા છે.
ઉલ્લેખનીય છે કે શ્રીલંકા વિરુદ્ઘ ટેસ્ટ મેચમાં જાડેજાએ શાનદાર પરફૉર્મન્સ કર્યુ હતુ. બીજી ટેસ્ટમાં તેણે 5 વિકેટ લીધી હતી. શ્રીલંકા વિરુદ્ઘ રમાયેલી આ વનડે સીરિઝમાં તેણું સિલેક્શન કરવામાં આવ્યુ નથી. જાડેજાના આ વીડિયોને ઇન્સ્ટાગ્રામ પર 4 લાખથી વધારે લોકો જોઇ ચૂક્યા છે.