સાબરમતી વિસ્તારમાં બાઈક સવાર બે શખ્સે કરી 27 લાખની લૂંટ

અમદાવાદઃ અમદાવાદના સાબરમતી વિસ્તારમાં મોડી રાત્રે સત્યનારાયણ સોસાયટીમાં લૂંટનો બનાવ બન્યો હતો. બાઈક સવાર બે શખ્સોએ કાપડના વેપારીની રૂપિયા ભરેલી બેગ લઈને ફરાર થઈ ગયાની ઘટના બની છે. કાપડના વેપારી દુકાનેથી કાર મારફતે ઘરે પહોંચ્યા હતા. ત્યારે તેમના ઘર સામે બાઈક પાર્ક કરેલું હતું.

જે કાર પાર્કિંગમાં અડચણરૂપ હોવાથી બાઈકને ખસેડવા વેપારી કારમાંથી નીચે ઉતર્યા હતા. તે સમયે બે શખ્સ તકનો લાભ લઈ કારમાં રાખેલી 27 લાખ રોકડ ભરેલી બેગ લઈને ફરાર થઈ ગયા હતા. આમ મામલે સાબરમતી પોલીસ સ્ટેશનમાં ફરિયાદ દાખલ કરવામાં આવી છે. જે મામલે પોલીસે વધુ તપાસ હાથ ધરી છે.