અમદાવાદઃ શહેરના નરોડા વિસ્તારની સુવિધા પાર્ક સોસાયટીમાં બે પોલીસ પરિવારો વચ્ચે અથડામણ સર્જાઇ હતી. આ સોસાયટીમાં નવો રોડ બની રહ્યો છે અને આસોપાલવ વૃક્ષ નડી રહ્યું છે ત્યારે આ મારામારી સર્જાઇ હતી. આસોપાલવના વૃક્ષને કાપવા જતા બન્ને પોલીસ પરિવારો બાખડ્યા હતા. આ મારા મારી મોબાઇલમાં કેદ થઇ ગઇ હતી.
અત્રે ઉલ્લેખનીય છે કે નરોડા વિસ્તારની સુવિધા પાર્ક સોસાયટીમાં રહેતા નરસિંહ ભાઇ પરમાર નિવૃત પોલીસ છે જેમનો આક્ષેપ છે કે નવો રોડ બની રહ્યો છે જેને લઇ સોસાયટી મીટિંગમાં ચેરમેન ગૌતમ ભાઇ દ્વારા ઘર પાસેના આસોપાલવના વૃક્ષને કાપવા માટે કહ્યું હતું. જેનો વિરોધ નરસિંહભાઇના દીકરાએ કર્યો હતો.