અમદાવાદ: શહેરમાં રોજબરોજ અસામાજીક તત્વોનો ત્રાસ વધતો જાય છે. એવામાં અસામાજિક તત્વો દ્વારા ટ્રક ડ્રાઇવરને માર માર્યો હોવાનો કિસ્સો બહાર આવ્યો છે.
આ અંગે મળતી માહિતી અનુસાર શહેરના નવા પશ્વિમ ઝોનના હેબતપુરા વિસ્તારમાં કારમાં આવેલા 2 શખ્સોએ ટ્રક ચાલકને માર માર્યો છે. આ ઘટના સર્જાતા લોકોમાં રોષ જોવા મળ્યો હતો. ત્યાર બાદ રોષે ભરાયેલા લોકોએ બન્ને શખ્સોને માર માર્યો હતો અને ગાડીમાં લોકોએ તોડફોડ કરી છે.
બંને શખ્સો દ્વારા ટ્રક ડ્રાઇવરને એટલો માર મારવામાં આવ્યો હતો કે એને ઇજા પહોંચી હતી. ત્યાર બાદ ઈજાગ્રસ્ત ટ્રક ચાલકને ખાનગી હોસ્પિટમાં ખસેડાયો હતો. ત્યારે હવે સોલા પોલીસે કાર સવાર બન્ને શખ્સોની ધરપકડ કરી છે. તેમજ વધુ તપાસ હાછ ધરી છે.