સુરતમાં વેપારીના અપહરણની ઘટનામાં બે આરોપીની ધરપકડ

સુરતઃ ઘોડદોડ રોડના વેપારીના બિટકોઈનના વ્યવહારમાં અપહરણની ઘટનામાં પોલીસે બે મુખ્ય આરોપીની ધરપકડ કરી છે. ઘટનાના મુખ્ય આરોપી અને સસ્પેન્ડેડ પોલીસકર્મી ચિંતન શાહ અને વસિમ મહમદની ધરપકડ કરી લીધી છે. જ્યારે આ ગુનમાં સંડોવાયેલા સસ્પેન્ડેડ હેડ કોન્સ્ટેબલ અનીશ માંજરા સહિત અન્ય આરોપીઓની શોધખોળ હજુ શરૂ છે.

ઉલ્લેખનીય છે કે ગત ગુરુવારે સુરતના ઘોડદોડ રોડ પરના ચા-કોફી પાવડરના વેપારી જિજ્ઞેશ પટેલનું અપહરણકારો દ્વારા અપહરણ કરવામાં આવ્યું હતું.

પરંતુ પોલીસની ધોંસ વધતા અપહરણકારો વેપારીને કીમ નજીક ઉતારીને ફરાર થઈ ગયા હતા. પોલીસે આ ઘટનામાં પાંચ ઈસમો સામે અપહરણ અને બ્લેક મેઈલિંગની ફરિયાદ નોંધી હતી.