ભાઇ-બહેનનો રોલ કરતા થઇ ગયો હતો પ્રેમ હવે 15 વર્ષ પછી આ કપલ લેશે ડિવોર્સ

ટેલિવિઝનના ફેમસ શો 'કહાની ઘર ઘર કી'માં ભાઇ-બહેનનો રોલ પ્લે કરનાર એક્ટર કિરણ કરમરકર અને રિંકૂ ઘવનની રિયલ લાઇફ હસબન્ડ-વાઇફની જોડી હવે અલગ થવા જઇ રહી છે. લગ્નના લગભગ 15 વર્ષ પછી આ જોડી અલગ થવા જઇ રહી છે.

સૂત્રોનુસાર ટીવીની આ ફેમસ જોડીના લગ્નને 15 વર્ષ પૂરા થઇ ચૂક્યા છે. જણાવાઈ રહ્યું છે કે તેમની વચ્ચે કોઈ એવો મતભેદ છે જે સૉલ્વ થઈ રહ્યો નથી અને આ જ કારણે તેમણે ડિવોર્સ લેવાનો નિર્ણય લીધો છે.

રિંકૂ અને કિરણ હાલમાં આ અંગે કોઇ વાત કરવા ઇચ્છતા નથી.એક અખબારના રિપોર્ટ્સ અનુસાર છેલ્લા એક વર્ષથી તેઓ એકબીજાથી અલગ રહી રહ્યાં છે અને અગાઉ પણ બંને વચ્ચે ખૂબ લડાઈ થતી રહેતી હતી. બંનેનો એક પુત્ર પણ છે. જોકે હજુ આ બંનેના ડિવોર્સ અંગે વધુ માહિતી સામે આવી નથી.

તમને જણાવી દઇએ કે એકતા કપૂરના શો 'કહાની ઘર ઘર કી'ના સેટ પર સાથે કામ કરતા-કરતા બંને વચ્ચે દોસ્તી થઈ ગઈ અને જોતજોતામાં તે પ્રેમમાં ફેરવાઈ ગઈ. આના એક વર્ષ બાદ બંનેએ 2001માં લગ્ન કરી લીધા હતા.