Movie Review: એક બિંદાસ ફિલ્મ છે 'તુમ્હારી સુલુ' વિદ્યા બાલનની સાથે થઇ જશે LOVE

ડિરેક્ટર સુરેશ ત્રિવેણી 'ડેઢ ફૂટિયા' 'માય ડેડી સ્ટ્રોન્ગેસ્ટ' અને 'કન્ડીશન એપ્લાય' જેવી શોર્ટ ફિલ્મોને ડિરેક્ટ કર્યા પછી પોતાની પહેલી હિન્દી ફિલ્મ ડિરેક્ટ કરી છે જેનું નામ 'તુમ્હારી સુલુ' છે.આ ફિલ્મમાં વિદ્યાની સાથે માનવ કૌલ નેહા ધૂપિયા અને આર.જે મલિશ્કાએ મહત્વનો રોલ કર્યો છે.

સ્ટોરી:

આ સ્ટોરી સુલોચના ઉર્ફ સુલુ( વિદ્યા બાલન)ની છે જે પોતાના પતિ અશોક (માનવ કૌલ) અને દિકરા પ્રણવની સાથે રહે છે. સુલુએ એક મહાત્વકાંક્ષી મહિલા છે. જ્યાં એક તરફ તે સોસાયટીમાં થતા નાના-નાના કોન્ટેસ્ટમાં ભાગ લે છે ત્યાં બીજી તરફ તેણે રેડિયો સાંભળવાનો ખૂબ જ પસંદ છે. તે બહુ બધા રેડિયો પ્રાઇસ જીતી ચૂકી છે. અશોક એક ટેક્સટાઇલ ઑફિસમાં કામ કરે છે અને વાર્તામાં ત્યારે ટ્વિસ્ટ આવે છે જ્યારે રેડિયો સ્ટેશન પર પોતાનું ઇનામ કલેક્ટ કરવા માટે સુલુ જાય છે અને RJ બનવાની કોન્ટેસ્ટમાં પાર્ટિસિપેટ કરે છે. જ્યારે રેડિયો સ્ટેશનની હેડ મારિયા (નેહા ધૂપિયા)ને સુલું વિશે ખબર પડે છે રેડિયો તરફથી તેને લેટ નાઈટ શો 'તુમ્હારી સુલુ' આપવામાં આવે છે. આ શોથી સુલુ ખૂબ પોપ્યુલર થઈ જાય છે. બીજી તરફ નોકરીના કારણે તેની ફેમિલીમાં કડવાશ આવી જાય છે. પતિ દિવસમાં નોકરી કરીને ઘરે આવે છે અને પત્ની રાતમાં શો કરે છે. શો અને ફેમિલીના કારણે સુલુની હાલત સુડી વચ્ચે સોપારી જેવી થઈ જાય છે. આ પરિસ્થિતિમાંથી સુલુ કેવી રીતે બહાર નીકળશે? તેની લાઈફમાં કેવા-કેવા ઉતાર-ચઢાવી આવશે?  આ બધા જ સવાલોના જવાબ જાણવા માટે તમારે ફિલ્મ જોવી પડશે.

ડિરેક્શન:

સુરેશ ત્રિવેણીએ પહેલા કેટલીક શોર્ટ ફિલ્મ બનાવી છે. પરંતુ આ ફિલ્મથી તેમણે પહેલી વખત એક ફૂલ ફ્લેશ બોલિવૂડ ફિલ્મ ડિરેક્ટ કરી છે. ડિરેક્શન પ્રમાણે પહેલો હાફ ખૂબ જ સારો છે. લોકેશન અને કેમેરા વર્ક જોરદારનું છે. જોકે સેકેન્ડ હાફ ખૂબ જ સાધારણ છે. તેમાં જે સ્ટોરી બતાવવામાં આવી છે તેને વધુ સારી રીતે બતાવી શકાય તેમ હતુ. તે ઉપરાંત ક્લાઈમેક્સ પર વધુ કામ કરી શકાય તેમ હતુ. ઈન ધ એન્ડ ઈન્ટરવલ પછીનો સેકન્ડ હાફ પરફેક્ટ કરવામાં સુરેશ ત્રિવેણી ફેઈલ થયા છે.

એક્ટિંગ:

આ આખી ફિલ્મમાં વિદ્યા છવાઇ ગઇ છે. સુલુના રોલમાં તે એકદમ ફિટ બેસી રહી છે. એક સામાન્ય સ્ત્રીના રોલમાં તેણે એટલી સરસ રીતે કર્યો છે કે દરેક વ્યકિત તેનાથી કનેક્ટ થઈ જાય છે. અશોકના રોલમાં માનવ કૌલનું સિલેક્શન ફિલ્મ માટે એકદમ પરફેક્ટ છે. ફિલ્મમાં એક સારા પતિના કેરેક્ટરમાં તે બિલ્કુલ ફિટ છે. જે પોતાની પત્નીને ખુશ કરવા માટે એક હંમેશા પ્રયાસ કરતો રહે છે. ફિલ્મમાં નેહા ધૂપિયા અને RJ મલિશ્કાનું કામ સારું છે.

મ્યૂઝિક:

ફિલ્મનું મ્યૂઝિક વાર્તા પ્રમાણે એકદમ ફિટ છે. 'બન જા તૂ મેરી રાની' અને 'હવા હવાઈ' સોંગ્સ પહેલાથી જ ખૂબ જ પોપ્યુલર થઈ ગયા છે. બાકી ગીતો પણ વાર્તાની સાથે ચાલે છે.

ફિલ્મ જોવી જોઇએ કે નહી:

'તુમ્હારી સુલુ' એક એવી ફિલ્મ છે જે તમે તમારા ફેમિલીની સાથે જોઇ શકો છો. ફિલ્મમાં વિદ્યા બાલને શાનદાર એક્ટિંગ કરી છે જે ક્યારેક ક્યારેક તમને હસાવશે અને ક્યારેક  રડાવશે પણ.. જો તમે વિદ્યાનો ફેન છો તો તમને આ ફિલ્મ જરૂરથી પસંદ આવશે.