વોશિંગ્ટન : યુએસ પ્રેસિડેન્ટ ડોનાલ્ડ ટ્રમ્પે અમેરિકામાં ગેરકાયદેસર વસતા યંગ ઇમિગ્રન્ટ્સને વર્ક પરમીટ દ્વારા ગ્રાન્ટ રદ્દ કરવાની જાહેરાત કરી છે. ભૂતપુર્વ પ્રેસિડેન્ટ બરાક ઓબામાંએ વર્ષ 2012માં ડિફર્ડ એક્શન ફોર ચાઇલ્ડહૂડ પ્રોગ્રામ ચાલુ કર્યો હતો. જેમાં અમેરિકામાં અન્ય દેશોમાંથી ગેરકાયદેસર રીતે આવીને રહેતા લોકોને ડ્રીમર નામ હેઠળ સ્ટડી અને વર્ક પરમિટ મળતા હતા.
ઓફીસ કેમ્પેઇનિંગ દરમિયાન ટ્રમ્પે વ્હાઇટ હાઉસ ડાકા પ્રોગ્રામને તાત્કાલિક બંધ કરવાનું આયોજન કરી રહ્યું છે તેમ જણાવ્યું હતું. ટ્રમ્પનાં આ નિર્ણયથી અમેરિકામાં ગેરકાયદેસર રીતે વસતા અંદાજીત 8 લાખથી વધારે લોકોએ દેશ છોડવો પડી શકે છે. શુક્રવારે જાહેર થયેલા આ નિવેદનથી વ્હાઇટ હાઉસ પ્રેસ સેક્રેટરીએ જણાવ્યું કે ટ્રમ્પ સરકાર આખરી નિર્ણય મંગળવાર સુધીમાંજણાવશે તેવું જણાવ્યું હતું.
આજે ટ્રમ્પે કોંગ્રેસને 6 મહિનાનો સમય આપીને ડાકા કાયદામાં ફેરફાર લાવવાનો આદેશ આપ્યો છે. એક મીડિયા રિપોર્ટ અનુસાર ટ્રમ્પનાં આ નિર્ણયથી અમેરિકામાં ગેરકાયદેસર રીતે વસતા અંદાજીત 8 લાખથી વધુ લોકોએ દેશ છોડવો પડશે. જેમાં 7 હજાર જેટલા ઇન્ડિયન - અમેરિકન્સનો સમાવેશ થાય છે.
ડિફર્ડ એક્શન ફોર ચિલ્ડ્રન અરાઇવલ ભૂતપૂર્વ પ્રેસિડન્ટ બરાક ઓબામાનાં કાર્યકાળમાં શરૂ કરવામાં આવેલા ઇમિગ્રેશનનાં કાયદામાં સુધારાનો પ્રોગ્રામ છે. જેમાં ભારતનું સ્થાન 11માં ક્રમે છે.