કચ્છ:ટ્રાન્સપોર્ટ ભાડામાં તાત્કાલિક 6 ટકાનો વધારો અમલી કરવાનો નિર્ણય કંડલા મુદ્રા ટ્રાન્સપોર્ટ વેલ્ફેર એસોસિએશન દ્વારા કરવામાં આવ્યો હતો. ઈંધણના ભાવમાં અવાર-નવાર થતાં વધારાના કારણે આ નિર્ણય કરવામાં આવ્યો હતો. વીમા પ્રીમિયમ અને રોડ ટેક્ષમાં 20% વધારાની પણ અસર જણાઇ છે. આથી ટ્રાન્સપોર્ટ અસોસિયેશનની બેઠકમાં સર્વાનુમતે આ નિર્ણય લેવામાં આવ્યો હતો.
ઉલ્લેખનીય છે કે કચ્છના કંડલા-મુંદ્રા ટ્રાન્સપોર્ટ વેલ્ફેર એસોસિએશને ટ્રાન્સપોર્ટ ભાડામાં છ ટકાનો વધારો કર્યો છે.ઈંધણના ભાવમાં અવારનવાર વધારાને લઈને ટ્રાન્સપોર્ટ એસોસિએશનની બેઠકમાં સર્વાનુમતે ભાડામાં વધારાને મંજૂરી મળી છે.
તાજેતરમાં યોજાયેલ ખાસ બેઠકમાં એક એવા મુદ્દા પર પણ એવી ચર્ચા કરવામાં આવી હતી કે સહકાર ન આ૫નાર ગ્રાહક અને ટ્રાન્સપોર્ટના વ્યવસાયી સભ્યનો બહિષ્કાર કરવાનો નિર્ણય પણ લેવામાં આવ્યો હતો.
આપને જણાવી દઇએ કે વધતી જાતી મોંઘવારીને અનુલક્ષી વાહનોના સ્પેરપાર્ટ ટાયર વીમા પ્રિમીયમ અને રોડ ટેક્સમાં 20 ટકાનો ભાવ વધારો થતા તેની ટ્રાન્સપોર્ટ સેકટરને અસર પડી રહી છે. અને આથી ટ્રાન્સપોર્ટ ભાડામાં 6 ટકાનો વધારો કરાયો છે તેમ જણાવાયું હતું.