જો તમે ઓછા બજેટનો સ્માર્ટફોન ખરીદવાનું વિચારી રહ્યો હોય તો આ જાણકારી તમારા કામની સાબિત થઈ શકે છે. આ સ્માર્ટફોન તમને 8000 રૂપિયાથી પણ ઓછી કિંમતમાં મળી જશે. આ છે ટોપ 5 સ્માર્ટફોન ઓપ્શન જે તમારા બજેટ પ્રમાણે બેસ્ટ સાબિત થઈ શકે છે.
Samsung Galaxy J2 2017 Edition:
Samsung J સીરીઝનો નવો સ્માર્ટફોન Galaxy J2 (2017) 7 390 રૂપિયાનો છે. એન્ડ્રોઈડ 7.0 નોગટ પર ચાલતા આ સ્માર્ટફોનમાં 4.7 ઈંચની સુપર એમોલેડ ડિસ્પલે આપી છે. 1.3 GHz ક્વોડ-કોર એક્સીનોસ પ્રોસેસર સાથે તેમાં 1GB રેમ છે. આ સ્માર્ટફોનમાં 8GB સ્ટોરેજ મેમરી આપી છે જેને મેમરી કાર્ડ દ્વારા 128GB સુધી વધારી શકાય છે. તેમાં 5 મેગાપિક્સલનો રિયર ઓટોફોકસ કેમેરા આપેલો છે. તેનો ફ્રંટ કેમેરા 2 મેગાપિક્સલનો છે.
Xiaomi Redmi 4A:
Xiaomi Redmi 4A ભારતમાં માર્ચમાં લોન્ચ કરાયો છે આ ફોનની કિંમત 5 999 રૂપિયા રાખવામાં આવી છે. 2GB રેમ અને 16GB મેમરીને વધારીને તેમાં 3GB રેમ અને 32GB મેમરી કરી દેવાઈ છે. આ નવા વેરિયન્ટની કિંમત 6 999 રૂપિયા છે. Redmi 4Aમાં ક્વોડ-કોર સ્નેપડ્રેગન 425 પ્રોસેસર છે. આ ફોનમાં 13 મેગાપિક્સલનો બેક અને 5MPનો ફ્રંટ કેમેરા છે. આ ફોન 4G VoLTE નેટવર્કને સપોર્ટ કરે છે અને તેમાં 3120mAhની ફાસ્ટ ચાર્જિંગ સપોર્ટ બેટરી છે
Xiaomi Redmi Y1 Lite:
Xiaomi Redmi Y1માં 5.5 ઈંચની HD ડિસ્પલે છે જેના પર કોર્નિંગ ગોરિલ્લા ગ્લાસ પ્રોટેક્શન આપવામાં આવ્યું છે. આ ફોનમાં 13 મેગાપિક્સલનો પ્રાઈમરી કેમેરા છે. સાથે જ તેમાં 3080mAhની બેટરી છે. આ ફોન ક્વોલકોમ સ્નેપડ્રેગન 425 પ્રોસેસર પર રન કરે છે. 2GB રેમ સાથે જેમાં 16GB સ્ટોરેજ મેમરી છે. જેને વધારીને 128GB કરી શકાય છે. Redmiનો Y1 લાઈટ સ્માર્ટફોન 6 999 રૂપિયાનો છે.
Moto C Plus:
Moto C Plus સ્માર્ટફોનની કિંમત 6 999 રૂપિયા છે. 5 ઈંચની HD ડિસ્પલે સાથેના આ ફોનમાં 1GB/2GB રેમ અને 16GB ઈન્ટરનલ સ્ટોરેજ આપી છે. ઈન્ટરનલ મેમરીને 32GB સુધી વધારી શકાય છે. આ ફોનમાં ક્વોડકોર મીડિયાટેક MT6737 પ્રોસેસર છે. આ ફોન એન્ડ્રોઈડ 7.0 નોગટ પર રન કરે છે. ફોનમાં 8 મેગાપિક્સલનો રિયર કેમેરા અને 2 મેગાપિક્સલનો ફ્રંટ કેમેરા છે. પાવર બેકઅપ માટે ફોનમાં 4 000mAhની બેટરી આપેલી છે.
Coolpad Mega 2.5D:
Coolpad Mega 2.5Dમાં સ્નેપડ્રેગન 617 પ્રોસસર 5.5 ઈંચની QHD ડિસ્પલે અને 8 MP કેમેરા છે. તો તેમાં 1GHz ક્વોડકોર સાથે 3GB રેમ આપેલી છે. આ ફોનમાં ઈન્ટરનલ મેમરી 16GB છે જેને 32GB સુધી વધારી શકાય છે. આ ફોન એન્ડ્રોઈડ લેટેસ્ટ વર્ઝન 6.0 માર્શમેલો પર રન કરે છે. આ ફોનની કિંમત 7 999 રૂપિયા છે.