અમદાવાદઃ આજે કોંગ્રેસની ક્રિનંગ કમિટીની બેઠક મળવાની છે. જેમાં આગામી વિધાનસભા ચૂંટણી અંગે ઉમેદવારોના નામો અંગે ચર્ચા કરવામાં આવશે. આ બેઠકમાં પ્રદેશ ભરતસિંહ સોલંકી સહિત કોંગ્રેસી નેતાઓ ઉપસ્થિત રહેશે. અને ઉમેદવારોના નામની યાદી બનાવી હાઈકમાન્ડને મોકલવામાં આવશે. જો કે ઉમેદવારોના નામ પર આખરી મુહર કોંગ્રેસ હાઈકમાન્ડ મારશે.
ઉલ્લેખનીય છે કે વર્ષના અંત સુધીમાં વિધાનસભાની ચૂંટણી યોજાવાની છે જેને લઈ કોંગ્રેસ દ્વારા તમામ તૈયારી કરવામાં આવી છે. કોંગ્રેસ ઉપાધ્યક્ષ રાહુલ ગાંધીના પણ ગુજરાતમાં આંટાફેરા વધી ગયા છે. રાહુલ ગાંધી ફરી પાછા 1 નવેમ્બરે ગુજરાત પ્રવાસે આવી રહ્યા છે. આ પહેલા રાહુલના મધ્ય ગુજરાતને જોરદાર પ્રતિસાદ મળ્યો હતો જેના કારણે કોંગ્રેસમાં નવો ઉત્સાહ જાગ્યો છે.