'ટાઇગર ઝિંદા હૈ'નું ફર્સ્ટ સોંગ #SwagSeSwagat રિલીઝ ફરી જોવા મળી સલમાન-કેટરિનાની કેમેસ્ટ્રી

સલમાન ખાન અને કેટરીના કેફની અપકમિંગ ફિલ્મ 'ટાઈગર જિંદા હૈ'ના ફર્સ્ટ સોંગ 'સ્વેગ સે કરેંગે સબકા સ્વાગત' ની ફેન્સ છેલ્લા કેટલાય સમયથી રાહ જોઇ રહ્યા હતા. 15 નવેમ્બરે યશરાજ ફિલ્મને એવી જાહેરાત કરી હતી કે આ ફિલ્મનું આ ફર્સ્ટ સોંગ ટૂંક સમયમાં જ રિલીઝ થવાનું છે અને એક સપ્તાહની આતુરતા બાદ આખરે આ સોંગ રિલીઝ થઈ ગયું છે.આ ગીતમાં સલમાન અને કેટરીના મસ્તમૌલા અંદાજમાં જોવા મળી રહ્યા છે. કેટરીના પોતાની અદાઓનો જલવો પાથરી રહી છે જ્યારે સલમાન પોતાનું ટશન બતાવી રહ્યો છે.

મ્યૂઝિક ડિરેક્ટર વિશાલ અને શેખરના આ સોંગના લિરિક્સ ઇરશાદ કામિલે લખ્યુ છે. જ્યારે અવાજ વિશાલ દદલાની અને નેહા ભસિને આપ્યો છે.



ઉલ્લેખનીય છે કે 'ટાઈગર જિંદા હૈ' ના ટ્રેલરે પણ આવતાની સાથે ધૂમ મચાવી દીધી છે. રિલીઝના 24 કલાકની અંદર જ આ ટ્રેલરને 40 મિલિયનથી વધુ વ્યૂઝ મળી ચૂક્યા છે જે એક રેકોર્ડ હોવાનો ફિલ્મના મેકર્સનો દાવો છે. અલી અબ્બાસ ઝફરના ડાયરેક્શનમાં બનેલી આ ફિલ્મ 2012માં આવેલી સલમાન-કેટરીનાની 'એક થા ટાઈગર' ની સીક્વલ છે. અલી અબ્બાસ ઝફરે જ તેની સ્ટોરી લખી છે. 'એક થા ટાઈગર'નું ડાયરેક્શન કબીર ખાને કર્યું હતું. ત્યારે 'ટાઇગર જિંદા હૈ'ના ડિરેક્શન આ વખતે સલમાનની સુપરહિટ ફિલ્મ 'સુલ્તાન'ના ડિરેક્ટર અલી અબ્બાસ ઝફરે કર્યુ છે ડિરેક્શન કરવાની સાથે સાથે ફિલ્મની વાર્તા પર તેમણે જ લખી છે.