અમેરિકા પોતાના નિવેદનો બદલવામા માહેર છે ત્યારે વધુ એક વાર અમેરિકાએ પોતના નિવેદન અંગે ફેરવી તોળ્યુ હતુ. આતંકવાદને પ્રોત્સાહન આપવાના મુદ્દે પાકિસ્તાનને અમેરિકાએ ફટકાર લગાવ્યાના સમાચારો હજુ તાઝા જ છે ત્યાં અમેરિકાએ પોતાનુ પોતાના જ નિવેદન અંગે "યુ-ટર્ન" લીધો હતો.
અમેરિકાના પ્રસાશને પોતાના નિવેદનમાં જણાવ્યુ હતુ કેઅમેરિકા પાકિસ્તાન સાથે સૌહાર્દપૂર્ણ સંબંધો ઈચ્છે છે. અમેરિકા પ્રેસિડેન્ટ ડોનાલ્ડ ટ્રમ્પે પાકિસ્તાનની ટીકા કરતા વિવાદ ઉભો થયો હતો અને પાકિસ્તાને અમેરિકા સાથેન તમામ વાટાઘાટો હાલ પુરતી મોકૂફ રાખી છે. આ ઘટના બાદ
અમેરિકી વિદેશ મંત્રાલયના પ્રવક્તાએ જણાવ્યું કેઅમે પાકિસ્તાન સાથેની ભાગીદારીને હજી પણ મહત્વ આપીએ જ છીએ. બન્ને દેશ વચ્ચેના સંબંધો અનુકુળ કરવા એક બીજાને અનુકૂળ સમયે બેઠક યોજવાની પ્રતિક્ષા કરીએ છીએ.
ઉલ્લેખનીય છે કેપાકિસ્તાને ટ્રમ્પ વહીવટી તંત્ર સાથે યોજાનારી ત્રણ બેઠકો રદ્દ કરી છે. ઉપરાંત પાકિસ્તાનના વિદેશપ્રધાન ખ્વાજા આસિફ ઉસ્માનીએ અમેરિકાના વિદેશપ્રધાન રેક્સ ટિલરસન સાથેની બેઠક પણ રદ્દ કરી છે.
અમેરિકાના દક્ષિણ અને મધ્ય એશિયાની બાબતોના સહાયક વિદેશપ્રધાન એલિસ વેલ્સ અને નેશનલ સિક્યુરિટી કાઉન્સિલના દક્ષિણ એશિયા નીતિના વડા લીઝા કર્ટસે પાકિસ્તાન પ્રવાસે જવાના હતાં. જોકે પાકિસ્તાનના વિદેશપ્રધાન ખ્વાજા આસિફે જણાવ્યું કેઅમેરિકન પ્રેસિડેન્ટ ડોનાલ્ડ ટ્રમ્પે કરેલી વિવાદિત ટિપ્પણીના વિરોધમાં અમેરિકાના નેતાઓની પાકિસ્તાનની સત્તાવાર મુલાકાત અને મંત્રણા રદ્દ કરી નાખવામા આવી હતી. જોકે અમેરિકી દૂતાવાસે પાકિસ્તાન સાથે વાટાઘાટો ફરીવાર શરુ કરવાના પ્રયાસ હાથ ધર્યા છે તેવુ જાણવા મળ્યુ હતુ.