બોટાદમાં અસામાજિક તત્વોનો ત્રાસ સામાજિક કાર્યકરો પર જીવલેણ હુમલો

ભાવનગરઃ બોટાદમાં અસામાજિક તત્વોનો ત્રાસ દિવસેને દિવસે વધી રહ્યો છે. પહેલા સામાજિક કાર્યકરો અને અન્ય લોકો પર હુમલો થતો હતો. હવે પોલીસ પર હુમલો કરવામાં આવ્યો છે. હેડ કોન્સ્ટેબલ હરેશ વિરગામા પર બે અજાણ્યા શખ્સે જીવલેણ હુમલો કર્યો છે. છરી વડે હરેશ વિરગામા પર હુમલો કરવામાં આવ્યો છે.

જો કે જીવલેણ હુમલામાં  હેડ કોન્સ્ટેબલ હરેશ વિરગામાનો આબાદ બચાવ થયો છે. અને તેમને સારવાર માટે ભાવનગર ખસેડાયા છે. જયારે અજાણ્યા શખ્સોને શોધવા પોલીસે તપાસ હાથ ધરી છે. હરેશ વિરગામા પર શા માટે હુમલો કરાયો તે કારણ હજુ અકબંધ છે. તેમના પર તુરખા રોડ પર તેમના ઘર પાસે જ અજાણ્યા શખ્સો હુમલો કરી નાસી ગયા હતા.આ ઘટનાએ બોટાદમાં કાયદો અને વ્યવસ્થા સહિત સલામતીને લઇને સવાલો કરી દીધા છે.