કાળાનાણા પર લગામ નાણા મંત્રાલયે 2 લાખ કંપનીઓ બંધ કરી

નાણામંત્રાલયે કાળા નાણા સામે મોટી કાર્યવાહી કરતા નકલી કંપનીઓ પર સપાટો બોલાવ્યો છે. મંત્રાલયે નોટબંધી બાદ શરૂ થયેલી 2 લાખ જેટલી કંપનીઓ બંધ કરી દીધી છે. તેમજ તેમના ખાતાઓ પર પ્રતિબંધ લગાવી દીધો છે. આ શેલ કંપનીઓ દ્વારા મોટા પાયે કાળા નાણાની હેરફેર થઈ હોવાની આશંકા છે. આ પૂર્વે સરકારે જુલાઈમાં જ આ કાર્યવાહીનો સંકેત આપ્યો હતો.

 નાણામંત્રાલયે એક ટ્વીટ કરીને આ વિશેની ઔપચારિક જાહેરાત કરી છે. આવી કંપનીઓના ડીરેક્ટર અને અધિકારીઓ હવે પૂર્વ અધિકારી બની જશે. વધુમાં નાણામંત્રાલયે જણાવ્યું કે જ્યાં સુધી લૉ ટ્રિબ્યુનલ કાયદાની રીતે આ સમગ્ર મામલો ઉકેલી ન  લે ત્યાં સુધી આ કંપનીઓના અકાઉન્ટ પણ ઓપરેટ નહીં કરી શકાય.