એસટીના 1503 કન્ડટરની ભરતી પ્રક્રિયાના મુદ્દે GSRTC દ્વારા હાઈકોર્ટમાં રજૂઆત કરવામાં આવી છે કે જ્યાં સુધી આ અરજી પર હાઈકોર્ટનો ચુકાદો આવશે નહીં ત્યાં સુધી GSRTC કન્ડટરની ભરતી કરશે નહીં. હાલના તબક્કે કન્ડટર્સની ભરતી પ્રક્રિયા મુલતવી રહેશે. સુનાવણી દરમિયાન હાઈકોર્ટમાં GSRTCએ તેનો જવાબ રજૂ કર્યો હતો.
જેમાં જીGSRTCની રજૂઆત હતી કે OMR શીટમાં માત્ર લાલ રંગની પેન વાપરવા પર પ્રતિબંધ છે વાદળી કે કાળા રંગની પેન વાપરી શકાય છે. બીજી તરફ અરજદારની રજૂઆત હતી કે નિયમ મુજબ પરીક્ષામાં બ્લેક પેનથી પેપર લખવાનુ હોય છે પરંતુ 20 જેટલા પરીક્ષાર્થીઓએ બ્લુ પેનથી પેપર લખ્યુ છે.
GSRTCના ડિરેક્ટરે પત્ર લખીને ચાલુ વર્ષે પરીક્ષા ન લેવા સુચના આપી હતી તેમ છતાંય પરીક્ષા લેવામાં આવી છે. મહત્વનુ છે કે આ મુદ્દા પર હાઈકોર્ટમાં બે અરજીઓ થયેલી છે.