કર્મચારીએ વધારે કામ કર્યું તો કંપનીએ નિકાળી દીઘો કારણ છે અજીબ

એવું માનવામાં આવે છે કે જો કોઇ કર્મચારી વધારે મહેનત અને વધારે કામ કરે છે તો આ આગળ જઇને એની સફળતાનું કારણ બની જાય છે. પરંતુ એક કેસમાં આ ઊંધું પડ્યું છે. આ અજીબ કિસ્સો બાર્સિલોનાની 'લિડલ' નામની ગ્રોસરી કંપનીમાં થયો છે જ્યાં જીન પી નામનો માણસ કામ કરતો હતો. જીન પી ને વધારે કામ કરવા અને જલ્દી કંપની આવવાના કારણ સસ્પેન્ડ કરી દેવામાં આવ્યો છે. 

સૂત્રો દ્વારા પ્રાપ્ત થતી વિગતો અનુસાર કર્મઠ જીન પી લિડ્લ કંપનીની બાર્સિલોના બ્રાન્ચમાં દરરોજ સવારે 5 વાગ્યે આવતો હતો અને બધો સ્ટાફ જતો ના રહે ત્યાં સુધી તે કામ કરતો હતો. 

રિપોર્ટસમાં જણાવ્યા અનુસાર જીન પીને અચાનક કંપનીના રુલ્સ તોડવા માટે નોકરી માથી નિકાળી દેવામાં આવ્યો છે. આ કેસમાં એને સ્ટોરમાં એકલા રહેવા અને ફ્રી માં ઓવરટાઇમ કરવા માટે દોષિત માનવામાં આવ્યો છે. જો કે એમાં જીન પી ના વકીલ જુઆન ગુએરાએ જણાવ્યું કે કંપનીના બોસે જીન પી ને છેલ્લા 12 વર્ષમાં ક્યારેય નથી જણાવ્યું કે કંપનીમાં જલ્દી આવવાની મનાઇ છે. 

મિસ્ટર ગુએરાએ આગળ જણાવ્યું કે જીન પી પર સેલ્સ અને પરફોર્મન્સ ટાર્ગેટને લઇને ખૂબ જ દબાણ હતું. જીન પી એ એટલા માટે મહેનત અને ડેડીકેશન દેખાડ્યું. કેસનો હજુ ચુકાદો બાકી છે. જો કે હવે એ જોવાનું છે કે ટ્રિબ્યૂનલનો ચુકાદો કોની તરફ જશે.