વાડજમાંથી ઝડપાયું નકલી દારૂનું નેટવર્ક 3 ઇસમોની ધરપકડ

અમદાવાદના વાડજ વિસ્તારમાં વિદેશી દારૂ લાવીને બનાવટી દારૂ બનાવતા 2 આરોપીને ઝડપી લેવાયા છે.ચોક્કસ બાતમીના આધારે પોલીસે દરોડા પાડતા વાડજના જવાહરનગર પાસે છાપરામાં કેટલાક શખ્સ વિદેશી દારૂ વેચતા હતા.

તો સાથે જ વિદેશી દારૂમાં ફ્રુટના પીણા મિક્સ કરીને હાઈ બ્રાન્ડ બિયરની બોટલમાં પેક કરીને વેચતા હતા.પોલીસે આ મામલે શંકર મારવાડી સહિત 2 આરોપીની ધરપકડ કરી છે.જ્યારે તેમની સાથે 247 દારૂની બોટલ જપ્ત કરી છે.

આ બનાવની વિગત પ્રમાણે વાડજ પોલીસને ખાનગી રાહે બાતમી મળી હતી કે વાડજના જવાહરનગર પાસે આવેલા છાપરામાં કેટલાક ઈસમો દારૂનો વેપાર કરી રહ્યાં છે જેના આધારે પોલીસે દરોડા પાડતા સમગ્ર કાવતરૂ સામે આવ્યું છે.

આ દરોડામાં શંકર મારવાડી સહિત બે આરોપીઓની ધરપકડ કરી જ્યારે પોલીસે દરોડા પાડયા ત્યારે સામે આવ્યું કે આ લોકો ઈગ્લિશ દારૂ લાવી તેમાં કેટલાક ફ્રુટના પીણા મિક્સ કરી હાઈ-બ્રાંડ બીયરની બોટલમાં પેક કરીને બહાર વેંચતા હતા.એટલું જ નહિં દારૂની બોટલ પર ખોટા સ્ટિકર લગાવીને પણ તેઓ વેપાર કરતા હતા.

વાડજ પોલીસ સ્ટેશનના અધિકારી સાથે વાતચીત કરતા ધ્યાને આવ્યું હતુ કે આ ત્રણેય ઉસમો આ ગુનાહિત ઇતિહાસ ધરાવે છે.અને આ અગાઉ પણ કેટલાક ગુન્હા બાબતે તેમની ધરપકડ પણ કરવામાં આવી હતી.જો કે આ નકલી દારૂની બોટલો કોને વહેંચવામાં આવતી હતી તે અંગે વાડજ પોલીસે તપાસ હાથ ધરી હતી.