નાગપુર ટેસ્ટમાં એક ઇનિંગ્સ અને 239 રનથી ટીમ ઇન્ડિયાની જીત અશ્વિને બનાવ્યો વર્લ્ડ રેકોર્ડ

નાગપુરઃ ટીમ ઇન્ડિયાએ નાગપુર ટેસ્ટમાં શ્રીલંકાની ઇનિંગ્સ અને 239 રનોથી હરાવી 3 મેચોની ટેસ્ટ સીરીઝમાં 1-0થી જીત મેળવી લીધી છે. વિરાટની ફોજે ચોથા દિવસે શ્રીલંકાના બાકી રહેલા 9 વિકેટ મેળવતા જીત નોંધાવી છે.

શ્રીલંકાની પહેલી ઇનિંગ્સના 205 રનોના જવાબમાં ટીમ ઇન્ડિયાએ 610 રન બનાવ્યા હતા. જેને લઇ 405 રનોથી ઇન્ડિયા આગળ રહ્યું. જ્યારબાદ બીજી ઇનિંગ્સમાં મેદાને ઉતરેલી શ્રીલંકાની ટીમ 166 રન પર કોકડું વળી ગઇ.

અશ્વિને તોડ્યો રેકોર્ડ

ભારતીય ટીમના સ્ટાર ઓફ સ્પિનર રવિચંદ્રન અશ્વિને નાગપુર ટેસ્ટમાં શ્રીલંકા વિરૂદ્ધ ન માત્ર જીત મેળવી ત્રીજી સદી પુરી કરી પરંતુ વર્લ્ડ રેકોર્ડ પણ બનાવી લીધો છે. ડેનિસ લિલીને માત આપી છે. અશ્વિને લિલીને બે ટેસ્ટ મેચ ઓછી રમાડી 300 વિકેટ પુરા કરવાનો વિક્રમ નોંધાવ્યો છે.

અશ્વિને ટેસ્ટ ક્રિકેટમાં સૌથી ઝડપી 300 વિકેટ લેવાનો વર્લ્ડ રેકોર્ડ પોતાના નામે કરી લીધો છે. ડેનિસ લિલીની વાત કરીએ તો તેમણે 56 ટેસ્ટ મેચોમાં 300 વિકેટ પુરા કર્યા હતા. જ્યારે અશ્વિને 54 ટેસ્ટ રમીને આ ઉપલબ્ધી મેળવી લીધી છે.