અમદાવાદઃ સ્વાઈન ફ્લૂ જેવી ગંભીર બીમારીથી બચવા માટે તેના લક્ષણો વિશે જાણવું જરૂરી બની જાય છે. એકાએક ઠંડી આવવી ઠંડી આવ્યાં બાદ 101થી 104 ડિગ્રી જેટલો તાવ આવવો બે પાંચ દિવસ સુધી તાવનું ન ઉતરવુ માથા ગળા અને સ્નાયુમાં સતત દુઃખાવો થવો સૂકી ઉધરસ આવવી નાક અને આંખમાંથી સતત પાણી આવવુ આ પ્રકારના લક્ષણો દેખાય કે તરત જ તમારા પારિવારિક તબીબ કે પછી નજીકની સરકારી હોસ્પિટલમાં સારવાર લેવી જરૂરી બની જાય છે.
જેથી પ્રથમ તબકકામાં જ સ્વાઈન ફ્લૂના ગંભીર રોગને આગળ વધતો અટકાવી શકાય. સ્વાઈન ફલૂથી બચવા માટે સ્વાઈન ફલૂના દર્દીથી દૂર રહેવુ હિતાવહ છે. બહારગામથી આવ્યાં બાદ સાબુથી હાથ ધોઈ નાંખવા જોઈએ. સાથે જ પૂરતી ઉંઘ લેવી. અને ઉપવાસ અને એકટાણા ટાળવા. પુષ્કળ પ્રમાણમાં લીંબુ સરબત કે અન્ય પ્રવાહી લેવા. અને પ્રોટીનયુકત ખોરાક આરોગવો જોઈએ. સાથે જ શકય હોય ત્યાં સુધી ભીડમાં જવાનું ટાળવુ. અને જાહેરમાં કોઈ પણ વ્યકિતને છીક કે ઉધરસ આવે ત્યારે મોઢાની આગળ રૂમાલ રાખવો જોઈએ. જેથી કરીને સ્વાઈન ફલૂથી રક્ષણ મેળવી શકાય.