ગાંધીનગરઃ ગુજરાત વિધાનસભાની ચૂંટણીના પરિણામોને લઈને સટ્ટાબજાર ગરમ જોવા મળી રહ્યું છે. ચૂંટણી પગલે 3300 કરોડનો સટ્ટો રમાયો હોવાની આશંકા છે. તો બુકીઓના સર્વે મુજબ ભાજપને 120થી વધુ બેઠકો મળી શકે છે.
બુકીઓની ધારણા મુજબ મુખ્યમંત્રી વિજય રૂપાણી બની શકે છે. તો પાટીદાર ઈફેક્ટને ધ્યાનમાં લેતા બુકીઓના ભાવની ધારણા ખોટી પડી છે. મહત્વનું છે કે સોમવારે ગુજરાતમાં મત ગણતરી હાથ ધરવામાં આવશે.
ઉલ્લેખનીય છે કે પ્રથમ તબક્કાની ચુંટણીમાં ધુમ મતદાન થતાં જ ભાજપ સરકાર બનશે તેવું ચિત્ર સ્પષ્ટ થયું હતું પરંતુ બીજા તબક્કાના મતદાનમાં ગત વર્ષની સરખામણીએ થોડું ઓછું મતદાન થતાં કોંગ્રેસનું પલ્લુ પણ થોડું ભારે થયું હતુ. જો કે સુત્રોના જણાવ્યાનુંસાર ચુંટણી સટ્ટા થી દુર રહેવાની સલાહ આપવામાં આવી છે.