સુરેદ્રનગરમાં મહિલાઓએ હલ્લાબોલ કર્યો છે. શહેરના બિસ્માર માર્ગ અને ભૂગર્ભ ગટર સહિતના અનેક કાર્યો ન થતાં હોવાના આક્ષેપ સાથે મહિલાઓ મેદાને ઉતારી. અને ઢોલ નગારા વગાડીને મહિલાઓ અને સ્થાનિક લોકોએ હલ્લાબોલ કર્યો છે. અને કલેક્ટર તેમજ પાલિકા કચેરીએ ભારે હોબાળો મચાવ્યો છે.
સુરેન્દ્રનગર ભાજપ શાષિત નગરપાલિકા દ્વારા શહેરી વિસ્તારોમાં રોડ રસ્તા ભૂગર્ભ ગટર લાઈટ સહિતની સુવિધાઓ પુરી પાડવામાં ન આવતી હોવાની વ્યાપક ફરિયાદો ઉઠવા પામી છે ત્યારે શહેરના વોર્ડ નંબર - ૧ માં આવેલ હરસિધ્ધિ પાર્ક લક્ષ્મીપરા ગાયત્રી સોસાયટી સહિતના વિસ્તારોમાં જીયુડીસી અંતર્ગત યોગ્ય રીતે ભૂગર્ભ ગટરની કામગીરી ન કરતા સોસાયટીના મુખ્ય માર્ગો સહીત રહેણાંક વિસ્તારોમાં ગટરોના પાણી ઉભરાઈ રહેતા રહીશો વાહનચાલકો વિદ્યાર્થીઓ સહીત મહિલાઓને ભારે હાલાકી ભોગવી પડી રહી છે.
તેમજ ગંદકીના કારણે રોગચાળો ફાટી નીકળવાની દહેશત પણ સેવાઈ રહી છે. આ અંગે રહીશોએ અનેક વખત પાલિકાના સદસ્યો સહીત ઉચ્ચ કક્ષાએ રજૂઆતો કરવા છતાં સમસ્યાનો કોઈ જ નિકાલ ન આવતા સ્થાનિક મહિલાઓ સહીત રહીશો અને નવસર્જન ટ્રસ્ટના હોદેદારો સહીત કાર્યકરોએ ઢોલ વગાડી પાલિકા તેમજ કલેકટર કચેરી ખાતે હલ્લાબોલ કર્યો હતો. તેમજ આગામી દિવસોમાં પાલિકા તંત્ર દ્વારા આ અંગે કોઈ જ પગલાં લેવામાં નહિ આવે તો ઉગ્ર આંદોલન સહીત ચૂંટણીનો બહિષ્કાર કરવાની ચીમકી પણ ઉચ્ચારી હતી. આ તકે મોટી સંખ્યામાં મહિલાઓ રહીશો સહીત આગેવાનો જોડાયા હતા.
ઉલ્લેખનીય છે કે સુરેન્દ્રનગર ખાતે છેલ્લા કેટલાક સમયગાળાથી ભુગર્ભ ગટર અને બીજા અન્ય પણ મોટા પ્રશ્ન છે તેમ છતાં તંત્ર ઘોર નિદ્રામાં છે ત્યારે આજે શહેરની મહીલાઓએ હોબાળો મચાવ્યો હતો.