નવરાત્રીનો થનગનાટ શરુ : સુરતના યુવાને બનાવ્યા ઇકો ફ્રેન્ડલી ઘરેણાં

આઉટફીટ પહેરતી યુવતી હોય કે મહિલા નવરાત્રીમાં તો તદન ગામઠી અને ટ્રેડીશનલ લુક માં જ જોવા મળે છે. એક પ્રથા થઈ ગઇ છે અને તેમાંય આવી માનુનીઓને કાંઇક અલગ લુક અને અલગ ઓળખ ઉભી થાય તેવા ડ્રેસની સાથે સાથે દાગીનાઓની પણ તલાશ રહેતી હોય છે સુરતના એક યુવાને કચ્છી અને આદીવાસીઓની પરંપરાગત શૈલીના વુડન એટલે કે લાકડાના ઘરેણાં બનાવ્યા છે જે નવરાત્રી માટે ખાસ ડીઝાઇન કરાયા છે જે યુવતિઓને ખુબ પસંદ આવી રહ્યા છે.

ગરબા દોઢીયાની પ્રેકટીસ માટે આવતી આ માનુનીઓને ત્યાંજ નવી પેટર્ન સાથેના દાગીના ઘરેણા મળી રહે તે માટે ગૌરવ નામના આ યુવાને પોતાનું કલેક્શન રજુ કર્યુ હતું ખુબ ઓછા પરંતુ દરેક હાર હાંસડી કેડ કંદોરો કે ડોકીયા લટકણીયા એક નવા જ અંદાજમાં રજુ થયા છે પ્રકૃતિ પ્રેમીઓને ગમે તેવા ઇકો ફ્રેન્ડલી આ ઘરેણા છે જો કે તેની સાથે સાથે ગૌરવે કચ્છી અને આદીવાસીઓની પરંપરાગત વારલી પેઇન્ટીંગ શૈલીનું મિશ્રણ કરી તેનું અનોખુ ફ્યુઝન ઉભુ કર્યુ છે.

ગામઠી શૈલીના આ દાગીનાઓને ડેલીકેટલ લુક્સ આપવાની સાથે સાથે તેમાં કલર કોમીબીનેશન અને ખાસ કરીને પેન્ડલમાં મોર ગણપતિ સહીતના જે ચિત્રો દોરાયા છે તે યુવતિઓને ખુબ આક્રષિત કરે છે ચણીયા ચોળી ઉપર બગસરા કે ઓક્સોડાઇઝના દાગીના નવરાત્રીમાં ખુબ પ્રચલીત હોય છે તેવામાં જેમને કાંઇક નવુ જોઇે છે તેને માટે આ ખાસ ડિઝાઇન કરેલા વુડન જ્વેલરી છે.