સુરતમાં મેડિકલમાં MS કરવાની લાલચમાં ડોક્ટર સાથે છેતરપિંડી કરવાની ઘટના સામે આવી છે.ત્યારે હવે આ મામલે ક્રાઈમ બ્રાંચ પોલીસે 2 આરોપીઓની ધરપકડ કરી છે.મહત્વનુ છે કે સુરતમાં માસ્ટર ઓફ સર્જરી ઓર્થોપેડિકમાં એડમિશન માટે અમદાવાદ અને બનાસકાંઠાના શખ્સોએ ડોક્ટર અજય જસાણી પાસેથી 65 લાખ રૂપિયાની માંગણી કરી હતી.
ત્યાર બાદ આરોપીઓએ અજય જસાણી પાસેથી 13 લાખ રૂપિયા પડાવ્યા હતા.આ મામલે પોલીસ સ્ટેશનમાં ફરિયાદ નોંધવામાં આવી હતી.ત્યારે હવે ક્રાઈમ બ્રાંચ પોલીસે ફરિયાદના આધારે 2 આરોપીઓની ધરપકડ કરીને આગળની કાર્યવાહી શરૂ કરી છે.
આ ઘટના સાથે ઝડપાયેલા 2 શખ્સો પાસેથી પોલીસ દ્વારા 8 લાખની રિકવરી કરવામાં આવી છે તેમજ બંને ઈસમોની પોલીસે વધુ પૂછપરછ પણ હાથ ધરી છે ત્યારે પોલીસની પૂછપરછ બાદ અનેક ચોંકવનારી વિગતો પણ બહાર આવી શકે તેમ છે.