VIDEO:3 માળના શોપિંગ કોમ્પ્લેક્ષમાં આગ લાગતા લાખોનું નુકસાન

સુરતમાં ત્રણ માળના શોપિંગ કોમ્પ્લેક્ષમાં આગ લાગી હતી. પારલે પોઇન્ટ વિસ્તારમાં આગ લાગી હતી. આગમાં શોપિંગ કોમ્પ્લેક્ષ બળીને ખાખ થઇ ગયુ હતુ. ફાયર વિભાગની ટીમ ઘટના સ્થળે પહોચી હતી.  

આ ઘટના અંગે મળતી માહિતી પ્રમાણે સુરતના ટ્રાફિકથી સતત ભરચક રહેતા વિસ્તાર પારલે પોઇન્ટ ખાતેના એક શોપિંગ કોમ્પલેક્ષમાં આગ લાગવાની ઘટના બનાતા ફાયર બ્રિગેડ તાત્કાલિક અસરથી ઘટના સ્થળે પહોંચ્યું હતું અને આગને કાબૂમાં લેવાનો પ્રયાસ કર્યા બાદ ભારે જહેમત બાદ આગ પર કાબૂ મેળવી શકાયો હતો.જો કે આ આગને  પગલે લાખોના માલને નુકસાન પહોંચ્યું હતું અને લાખો રૂપિયાનો માલ બળીને ખાખ થઇ ગયો હતો.

ઉલ્લેખનીય છે કે આ પહેલાં પણ સુરતાના પાંડસરા ખાતે એક ગેસ સિલિન્ડર ફાટવાની પણ ઘટના બની હતી અને એક ગોડાઉનમાં ભીષણ આગ લાગતા લાખોનું નુકસાન થયું હતું.ત્યારે 2018ની શરૂઆતથી જ ગુજરાત સહિત દેશ ભરમાં આગ લાગવાનાં બનાવો બનતાં રહે છે ત્યારે વધુ એક બનાવ બનતા થોડીવાર ભયનો માહોસ સર્જાયો હતો.