23 ગુનામાં ફરાર કુખ્યાત બુટલેગર કૈલાસ મારવાડીને સુરત પોલીસ ઝડપી પાડ્યો

સુરતઃ જિલ્લા પોલીસને મોટી સફળતા મળી હતી. દક્ષિણ ગુજરાતમાં પ્રોહીબિશનના ગુનામાં નાસ્તા ફરતા કુખ્યાત બુટલેગરની ધરપકડ કરવામાં આવી હતી. સુરત જિલ્લા LCB SOG પોલીસના સંયુક્ત ઓપરેશનથી 23 ગુનામાં નાસ્તા ફરતા બુટલેગરની કામરેજના વલથાણ ગામ નજીકથી ધરપકડ થતા બુટલેગરોમાં ખળભળાટ મચી ગયો છે.

દક્ષિણ ગુજરાતનો કુખ્યાત બુટલેગર અને પ્રોહીબિશનના 23 ગુનામાં નાસ્તો ફરતો બુટલેગર કૈલાશ ઉર્ફે ભેરૂલાલ મારવાડીને ઝડપી પાડ્યો હતો. મૂળ રાજસ્થાનનો રહેવાસી આરોપી કૈલાસ મારવાડી ઘણા સમયથી દક્ષિણ ગુજરાતમાં અવનવા કિમીયાઓ અપનાવી વિદેશી દારૂની હેરા-ફેરી કરતો હતો. તેને ઝડપી લેતા દક્ષિણ ગુજરાતના બુટલેગરોમાં પણ ફફડાટ મચી ગયો છે.

ગાંધીના ગુજરાતમાં દારૂ બંધી છે છતાં કેટલાક કુખ્યાત બુટલેગરો દ્વારા ગુજરાતમાં બેફામ રીતે વિદેશી દારૂની હેરાફેરી કરવામાં આવી રહી છે. ગાંધીના ગુજરાતમાં બેફામ રીતે વિદેશી દારૂનું વેચાણ કરવામાં આવી રહ્યું છે. ત્યારે દક્ષિણ ગુજરાતનો આવો જ એક કુખ્યાત બુટલેગર સુરત જિલ્લા પોલીસની પકડમાં આવી ગયો છે.

સુરત પોલીસ અધિક્ષક દ્વારા જિલ્લામાં નાસ્તા ફરતા આઓપીને પકડી પાડવા સુરત જિલ્લા એલસીબી અને એસઓજી પોલીસને સૂચના આપવામાં આવી હતી. ત્યારે સુરત પોલીસ અધિક્ષકની સૂચના મુજબ જિલ્લાની એલસીબી અનેએસઓજી પોલીસ પેટ્રોલિંગમાં હતી તે સમય દરમિયાન એલસીબી પોલીસને ખાનગી રહે. બાતમી મળી હતી.

દક્ષિણ ગુજરાતનો કુખ્યાત બુટલેગર અને પ્રોહીબિશનના 23 ગુનામાં નાસ્તો ફરતો બુટલેગર કૈલાશ ઉર્ફે ભેરૂલાલ મારવાડી કામરેજના વલથાણ ગામ નજીક ઉભેલ છે અને તે સુરત શહેર તરફ જનાર છે તેવી બાતમી મળી હતી. સુરત જિલ્લા એલસીબી અને એસઓજી પોલીસે બાતમી વળી જગ્યા ઉપર છટકું ગોઠવી દક્ષિણ ગુજરાતના નાસ્તા ફરતા કુખ્યાત આરોપી કૈલાસ ઉર્ફે ભેરૂલાલ મારવાડીને ઝડપી પાડ્યો હતો. હાલ તે જેલના સળિયા પાછળ ધકેલયો હતો.