આમજનતાના રક્ષણની જવાબદારી જેના શિરે છે તેવાં કાયદાના રખેવાળ જ જ્યારે હેવાન બને ત્યારે કાયદાના સરેઆમ લીરે લીરાં ઉડતા જોવા મળે છે. અંતે નિર્દોષ નાગરિકોનો પોલીસ પરથી જ વિશ્વાસ ઉતરતો જાય છે. આવી જ એક ઘટના સુરતમાં બની હતી.
આ ઘટનામાં સુરતના રેલવે પોલીસની બર્બરતા સામે આવી હતી. મોબાઈલ અને પર્સની ચોરી અંગેની ફરિયાદ કરવા જનાર યુવકને જ સુરત રેલવે પોલીસે એટલો તો ઢોરમાર માર્યો હતો કેફરિયાદી યુવકને આઈસીયુમાં દાખલ કરવો પડયો હતો. એટલું જ નહી આ મહાપરાક્રમમાં રેલવેના કુલીઓ પણ જોડાયા હતા.
કુલીઓ સાથે મળીને ફરિયાદી એવા નિર્દોષ યુવાન પર તૂટી પડયા હતા. જો કેઆ ઘટના સાત દિવસ પહેલા બની હતી. સદ નસીબે સુરત રેલવે પોલીસની આ બર્બરતા સીસીટીવી કેમેરામાં કેદ થઈ ગઈ હતી. જેના આધારે પોલીસની અસલિયત સામે આવી હતી. હાલ આ ઘટનાના સીસીટીવી ફૂટેજ સોશિયલ મીડિયામાં વાઈરલ થયા હતા.