સાઇચિરો બીજા વિશ્વયુદ્ધ પછી એકદમ દેવાળું ફૂંકતા પરેશાન થઇ ગયા. અમેરિકાએ કરેલ બોમ્બમારાને લીધે તેમની ફેકટરીઓ નાશ પામી હતી. ભૂકંપને લીધે પણ અન્ય એક ફેક્ટરી પડી જતા બહુ મોટુ નુકશાન થયું હતું.તમામ ખરાબ પરિસ્થિતિ છતાં તે માણસ હિંમત ના હાર્યો અને કાંઈક નવું કરવાની શોધમાં નીકળી પડ્યો. સાઇચિરો પાસે માત્ર એક સાયકલ સિવાય કઈ જ બચ્યુ નહોતું. તમને એક વિચાર આવ્યો એટલે તેણે એક જી.આઈ એન્જીન ખરીદ્યુ અને પોતાની સાયકલમાં લગાવી દીધું. આ એન્જીન લાગતા જ તે સાયકલ બાઈક બની ગઈ. સાયકલમાંથી બાઈક બનાવવામાં સફળતા માળતા સાઇચિરો ખુશ થયા.
એકદિવસ જયારે તેઓ પોતાના મિત્રને મળવા ગયા ત્યારે મિત્રએ સાઇચિરોની સાયકલમાંથી બનેલી બાઈક જોઈ વખાણ કર્યા અને કહ્યું કે મને પણ એક આવી જ બાઈક બનાવી આપ. મિત્રનો આ પ્રસ્તાવ સાઇચિરોએ પ્રેમથી સ્વીકાર કર્યો અને શરુ થયો જિંદગીનો નવો અધ્યાય. તેઓ ધીમે ધીમે સાયકલમાંથી બાઈક બનાવતા રહ્યા સમયાંતરે તેમની આ પ્રવૃત્તિ લોકોમાં ખુબ જાણીતી બની ગઈ. લોકો સાઇચિરોની બાઇકને વખાણતા પણ હતા. થોડા સમય બાદ 1948માં ફરી એકવાર નવી કંપની બનાવવાની ઈચ્છા થઇ. પોતાના સ્વપ્નને આકાર આપવા પૈસાની વધુ જરૂર પડતા પત્ની ને વાત કરી. પત્નીએ પતિને મદદ કરવા પોતાના ઘરેણાં વેચ્યા અને આકાર પામી હોન્ડા કંપની. આ 8 ધોરણ પાસ વિશ્વનો સર્વશ્રેષ્ઠ એન્જીનીયર એટલે હોન્ડા કંપનીના સ્થાપક સાઇચિરો હોન્ડા.
સાઇચિરોની પત્નીનો આ ત્યાગ ખુબ રંગ લાવ્યો અને હોન્ડા કંપની આજે વિશ્વની સર્વશ્રેષ્ઠ બાઈક અને કાર બનાવતી કંપનીઓમા સ્થાન પામી ચુકી છે. આમ માણસ ધારે તો શું ન કરી શકે તે વાતનું ઉદાહરણ સાઇચિરો હોન્ડાથી વિશેષ શું હોઈ શકે. અમેરિકાના ઓટોમોબાઇલ હોલ ઓફ ફેમના પહેલા જાપાની વ્યક્તિ એટલે સાઇચિરો હોન્ડા. જે સમસ્યાનો ઉકેલ ઉચ્ચ ડિગ્રી મેળવેલ એન્જીનીયરોથી પણ ના આવ્યો તેવી ક્રેટેલિટિક એન્જીનની સમસ્યા તેમણે બહુ ઝડપથી દૂર કરી હતી. આ 8 ધોરણ પાસ કરેલ માણસ આજે વિશ્વના મહાન એન્જીનીયર હિમ્મત હારી ગયેલા લોકોને પ્રેરણા આપી જાય છે.