અમદાવાદઃ CTMના રામોલ માર્ગ પાસે અકસ્માતની ઘટના સામે આવી છે. વહેલી સવારે આનંદ નિકેતનની શાળાની બસે GLS કોલેજના વિદ્યાર્થી ભાવેશ કરણીને અડફેડે લેતે વિદ્યાર્થીનુ ઘટના સ્થળે મોત નિપજ્યુ હતુ.
મહત્વનુ છે કે આ વિદ્યાર્થી પોતાના મિત્રો સાથે ક્રિકેટ રમવા જઈ રહ્યો હતો ત્યારે આ અકસ્માત સર્જાયો હતો. આ ઘટના સર્જાતા લોકોના ટોળેટોળા ઘટના સ્થળે દોડી આવ્યા હતા. આ ઘટનાની જાણ થતા પોલીસના અધિકારીઓ ઘટના આવી પહોચ્યા હતા. ત્યારબાદ પોલીસ દ્વારા અકસ્માતનો ગુનો નોંધી વધુ તપાસ હાથ ધરવામાં આવી.