સરકાર જનતાને એ બતાડવા માંગે છે જે GSTમાં સ્લેબ બદલ્યા બાદ પ્રોડક્ટ્સની કિંમત કેટલો ઘટાડો થયો છે સરકારે બધી જ કન્ઝ્યુમર ગુડ્સ કંપનીઓને અને ઈન્ડસ્ટ્રી સ્ટેક હોલ્ડર્સને જણાવ્યું છે કે અત્યારે જે સામાન વેચાઈ રહ્યો છે તેના પર જ્યારે નવા પ્રાઈઝ ટેગ લગાવે ત્યારે જૂની કિંમત પણ સ્પષ્ટ દેખાય તેવી રાખવી. GSTમાં સ્લેબમાં ફેરફાર બાદ કંપનીઓને સામાનની કિંમત ઘટાડો કરવાનો આદેશ કરવામાં આવ્યો છે.
કંપની મામલાઓમાં મંત્રાલયે કંપનીઓને આ આદેશ આપ્યો છે. તેમના માટે 16 નવેમ્બરની તારીખથી લેટર જારી કરવામાં આવશે. અમારા સહયોગી અખબાર ઈકોનોમિક ટાઈમ્સે આ લેટર જોયો છે. તેમાં લખ્યું છે ''કાયદા અનુસાર તમારે સામાન પર નવુ સ્ટીકર કે સ્ટેમ્પ લગાડવાની પરવાનગી આપવામાં આવે છે જેથી તમે ગ્રાહકોને MRP (મેક્ઝિમમ રિટેલ પ્રાઈઝ)ની જાણકારી આપી શકો. આ સાથે પ્રોડક્ટ પર જૂની MRP પણ દેખાવી જોઈએ.''
ગત અઠવાડિયા 178 વસ્તુઓ પર GSTના સ્લેબમાં ઘટાડો કર્યા પછી રામવિલાસ પાસવાને કહ્યુ કેકંપનીઓને બજારમાં વેચાઈ રહેલા સામાનમાં વધારાનું સ્ટિકર કે સ્ટેમ્પ લગાવવાની કે ઓનલાઈન પ્રિન્ટિંગ કરીને કિંમત ઓછી કરવાની જાણકારી આપવા કહેવામાં આવ્યું છે. તેમણે જણાવ્યું કે જે સામાનનું પેકિંગ પહેલા થઈ ચૂક્યુ છે તેના માટે આ પગલુ ભરવામાં આવ્યું છે.. સરકારે કંપનીઓને આદેશ આપ્યો છે કે 31 ડિસેમ્બર સુધી નવી કિંમતો અને જૂની MRPના સ્ટિકર સામાન પર હોવા જોઇએ.