ગાંધીનગર: આગામી સ્થાનિક સ્વરાજ્યની ચૂંટણી માટે ભાજપ દ્વારા તૈયારીઓ શરૂ કરી દેવામાં આવી છે. ત્યારે હવે ભાજપ દ્વારા કમલમ ખાતે ત્રિ- દિવસીય પાર્લામેન્ટરીની બેઠકનો આજે બીજો દિવસ છે. આજે બેઠકમાં સ્થાનિક સ્વરાજની ચૂંટણીને લઇને મંથન કરવામાં આવશે.
બીજા દિવસે આણંદ પંચમહાલ મહિસાગરની બેઠકો પર ચર્ચા કરવામાં આવશે. જ્યારે વલસાડ નવસારી તાપીસની નગરપાલીકાની બેઠકો પર ચર્ચા થશે. આ ઉપરાંત આ બેઠકમાં અમદાવાદા સાબરકાંઠા ગાંધીનગર માટે ઉમેદવારોના નામને લઈને ચર્ચા કરવામાં આવશે. આ બેઠકમાં મુખ્યમંત્રી વિજય રૂપાણી પ્રદેશ પ્રમુખ જીતુ વાઘાણી અને પૂર્વ મુખ્યમંત્રી આનંદીબેન પટેલ હાજર રહ્યા છે. આ ઉપરાંત આ બેઠકમાં પ્રભારી ભુપેદ્ર યાદવ પર ઉપસ્થિત રહ્યા છે.
મહત્વનુ છે કે 4 ફેબ્રુઆરીના રોજ સ્થાનિક સ્વરાજની ચૂંટણી યોજવાની છે. 2 જીલ્લા પંચાયત 17 તાલુકા પંચાયત 75 નગરપાલિકાની ચૂંટણી યોજાશે. જો કે હજુ સુધી જીલ્લા પંચાયત તાલુકા પંચાયત નગરપાલિકાની તારીખો જાહેર થઈ નથી. ત્યારે હવે સ્થાનિક સ્વરાજની ચૂંટણી માટે ઉમેદવારોના નામ પર ચર્ચા થઈ રહી છે.