મુંબઇ: બોલીવુડની અભિનેત્રી શ્રીદેવીની પુત્રી જાહ્નવી કપૂરની બોલીવુડ ડેબ્યૂ ઘણા સમયથી ચર્ચામાં બનેલો છે. પરંતુ હજુ સુધી સ્પષ્ટ થઇ શક્યું નથી કે એ ક્યારથી અને કઇ ફિલ્મથી ડેબ્યૂ કરશે. પરંતુ હવે માહિતી મળી રહી છે કે એ માતા શ્રીદેવી સાથે મિસ્ટર ઇન્ડિયાની સીક્વલમાં સ્ક્રીન શેર કરતી જોવા મળશે.
એક રિપોર્ટ અનુસાર જાહ્નવી મિસ્ટર ઇન્ડિયા 2 માં શ્રીદેવીની સાથે કામ કરશે. ફિલ્મમાં બે કપલ જોડીઓ હશે. પહેલી જોડી અનિલ કપૂર અને શ્રીદેવીની હશે. બીજી લીડ રોલ જોડીમાં યુવા કિરદારને દેખાડવામાં આવસે. જેમાં જાહ્નવી કપૂર હીરોઇનનો રોલ નિભાવશે.
મળતી માહિતી અનુસાર 1987ની આ સુપરહીટ ફિલ્મની સીક્વલને રવિ ઉદ્વાવર ડાયરેક્ટ કરશે. આમ તો મિસ્ટર ઇન્ડિયાની સીક્વલ બનાવવાની ચર્ચા ખૂબ સમયથી છે. પ્રોડ્યૂસર બોની કપૂર એના પાર્ટ 2 બનાવવાની ઇચ્છા વ્યક્ત કરી ચૂક્યા છે. તાજેતરમાં જ શ્રીદેવીએ કહ્યું હતું કે આ ફિલ્મની સીક્વલ પર વાત કરવી ઉતાવળ હશે. અત્યારે બસ આઇડિયા ડિસ્કસ થયો છે કંઇ ફાઇનલ થયું નથી.