અંગ્રેજી કેલેન્ડર પરમાણે આવતીકાલથી વરહ બદલાઈ જવાનું શે ને આપણે સૌ પણ ઘેલા બનીને નવા વરહને આવકારવા તૈયાર થઇ ગયા સિયે ત્યારે સંધાયને મન થાય કે આખું વરહ ક્યાં વયું ગયુને આપણને ખબર પણ ના પડી.
વરહના સપરમા દા'ડાની શરૂઆત થવાને ગણતરીના કલાકો બાકી છે ત્યારે ભલે આપણે નવા વર્ષને વધાવવા આનંદ કરીએ મસ્તી મજાક કરીએ પરંતુ આપણી ભાતીગળ લોકસંસ્કૃતિને ટકાવી રાખવા એટલા જ ઉત્સુક રહીયે. ઘરે ક્રિસમસ ટ્રી લાવી પણ આંગણે તુલસી ક્યારાને પણ સ્થાન આપીએ. કોલેજમાં ચોકલેટ ડે સિગ્નેચર ડે ફાધર્સ ડે મધર્સ ડે જેવા અનેક આયાતી તહેવારોને દિલ ખોલી માનવીએ પરંતુ દિવાળીને દાડે આપણા પરિચિતના ઘરે જઈને જેસી કૃષ્ણ કરવાનું અચુક યાદ રાખીએ.
પપ્પાને યાદ કરવા માટે ફાધર્સ ડે અને મમ્મીને યાદ કરી મધર્સ ડેની ઉજવણી કરવાનો કોઈ જ વિરોધ નથી પણ ઘરે બેઠેલા માવતરની આંખમાં આંસુડાં ના આવે એવા કામ કરીયે.
આખું વરહ ભલે તાગડ-ધીન્ના કરવામાં વયું ગયુ હોય કોકને મદદ કરવામાં તો ક્યારેક કોકને નડવામાં વરહ પસાર થયી ગયું હોય પણ નવાં વર્ષે કોકની લીટીઓ ભુંષવાને બદલે પોતાની લીંટીને લાંબી કરવાની ટેવ પાડીએ એની મજા અલગ હોય છે. આ સાથે જ નવા વરહના વધામણાને આખું વરહ તમારૂ ધાર્યુ થાય તેવી શુભકામનાઓ.
કવન આચાર્ય VTV News Websiteનાં કોપી એડિટર પણ છે.
( નોંધ: ઉપરોક્ત વિચારો લેખકના વ્યક્તિગત અભિપ્રાય છે.)