રાજકોટમાં રહેતા સોની પરિવારે કર્યો સામુહિક આપઘાત

રાજકોટ: રાજકોટના મોરબી રોડ પર રહેતા રાધા મીરા સોસાયટીમાં સોની પરિવારે સામુહિક આપઘાત કર્યો હોવાનું બહાર આવ્યું છે. આ સામુહિક આપઘાતમાં બી ડિવિઝન પોલીસે પિતા અને પુત્ર વિરુદ્ધ હત્યાનો ગુન્હો દાખલ કર્યો છે. 

આ અંગે પ્રાપ્ત થતી વિગતો અનુસાર આર્થિક કટોકટીના કારણે આ પરિવારના લોકોએ આપઘાત કર્યો હતો.  પિતા પુત્રએ ઘરના 3 સ્વજનોને ગળાટુંપો આપી મોતને ઘાટ ઉતાર્યા હતા બાદમાં બન્નેએ પંખા પર લટકી ગળેફાંસો લગાવવાનો પ્રયાસ કર્યો હતો પરંતુ તે પ્રયાસ નિષ્ફળ ગયો હતો બાદમાં મોરબી રોડ રેલ્વે ફાટક પાસે ટ્રેન નીચે આપઘાત કરવાનો પ્રયાસ કર્યો પરંતુ બન્નેનો જીવ ન ચાલ્યો જે દરમિયાન પોલીસે બન્નેની ધરપકડ કરી લીધી હતી. 

હત્વનું છે કે આર્થિક સંકળામણમાં હત્યા કરી હોવાનું હાલ સામે આવ્યું છે પરંતુ 2 દિવસ સુધી પિતા-પુત્ર બન્ને ક્યાં હતા તે અંગે પોલીસને શંકા હોવાથી વધુ તપાસ હાથ ધરી છે.