નવી દિલ્હી: રાજધાની દિલ્લીને સ્મોગ ધુમ્મસ અને ધુમાડાથી રાહત નથી મળી રહી. પાછલા ત્રણ દિવસની સરખામણીમાં આજે ધુમ્મસ ઓછો થયો છે. જો કે શ્વાસ લેવામાં લોકોને તકલીફ થઇ રહી છે. પાછલા કેટલાક
દિવસથી આકાશમાં સ્મોગની ચાદર ફેલાયેલી છે. જેના કારણે ઘણી મુશ્કેલીનો સામનો કરવો પડયો છે.
મોસમ વિભાગે પહેલા પણ કહ્યું હતું કે દિલ્લીમાં 10 નવેમ્બર સુધી સ્મોગ રહેવાનું છે. વિજિબિલિટીની વાત કરવામાં આવે તો આજથી વાતાવરણ સાફ થઇ રહ્યું છે. નોર્થ બ્લોક અને સાઉથ બ્લોકમાં સ્થિતિમાં સુધારો થઇ
રહ્યો છે. જો કે સ્મોગના કારણે લોકોને વધારે તકલીફ થઇ રહી છે. સ્મોગના કારણે જનજીવન પર વધારે અસર થઇ છે.
સ્મોગના કારણે લોકોની આંખમાં બળતરા અને શ્વાસ લેવામાં તકલીફ પડી રહી હતી. એનાથી આજે ઘણી રાહત છે. તો બીજી બાજુ મોસમ વિભાગનું કહેવું છે કે દિલ્હીમાં વરસાદ પડી શકે છે. જો વરસાદ પડશે તો
પ્રદૂષણ ખૂબ ઓછું થશે દિલ્હીમાં પ્રદૂષણ જોઇને પાણીનો છંટકાવ કરવામાં આવી રહ્યો છે. શનિવારે પણ અનેક ટ્રેનોને અસર થઇ છે. નવી દિલ્લીમાં 64 ટ્રેન મોડી પડી છે. 14 ટ્રેનના સમયમાં ફેરફાર કરવામાં આવ્યો
છે. જ્યારે બે ટ્રેનને કેન્સલ કરવામાં આવી છે.