'બેરેલી કી બર્ફી' જેવી સુપરહિટ ફિલ્મ આપ્યા બાદ કૃતિ સેનન ચર્ચામાં રહી છે. તાજેતરમાં જ કૃતિ સનન દિલજીત દોસંજની સાથે દિનેશ વિજયનની ફિલ્મ 'અર્જુન પટિયાલા'નું શૂટિંગ કરી રહી છે. આ ફિલ્મનું શૂટિંગ શુક્રવારથી ચંદીગઢમાં શરૂ થઈ ગયું છે. શૂટિંગ પહેલા કૃતિએ પોતાની ફિલ્મની કાસ્ટિંગ પહેલાં તેના સોશિયલ મીડિયા હેન્ડલ પર કરી હતી. આવામાં સમાચાર મળ્યા છે કે કૃતિને અન્ય રસપ્રદ પ્રોજેક્ટ મળી ગયો છે.
અહેવાલ મુજબ મોહિત સુરીની ફિલ્મ 'એક વિલન 2' માં સિદ્ધાર્થ મલ્હોત્રા સાથે કામ કરશે. જો કે આ ફિલ્મના નિર્માતાઓએ આ વિષે કોઈ સત્તાવાર નિવેદન આપ્યું નથી. કૃતિ પહેલાં સિદ્ધાર્થ મલ્હોત્રા સાથે 'એક વિલાન' માં શ્રદ્ધા કપૂર હતી. શ્રદ્ધા અને સિદ્ધાર્થની કેમેસ્ટ્રી લોકોને ખુબ ગમી હતી. જો કે સિદ્ધાર્થ અને કૃતિની કેમેસ્ટ્રી જોવામાં ખૂબ જ રસપ્રદ રહેશે.
આ દરમિયાન સિદ્ધાર્થ તેમની આગામી ફિલ્મ 'અય્યારી' આજે રિલીઝ થઈ છે. આ ફિલ્મમાં સિદ્ધાર્થ સાથેની મુખ્ય ભૂમિકામાં મનોજ બાજપાઈ રકુલ પ્રીત સિંહ અને પૂજા ચોપરા જોવા મળશે.