મુંબઇ: બોલીવુડના જાણીતા કલાકાર શશિ કપૂરનું સોમવારે લાંબી બિમારી બાદ નિધન થઇ ગયું. મુંબઇમાં મંગળવારે બપોરે વરસાદ અને અશ્રુથી ભરેલી આંખોની વચ્ચે જાણીતા બોલીવુડ અભિનેતા શશિ કપૂરને અંતિમ વિદાઇ અપાઇ. સાંતાક્રૂઝમાં એમને પૂરા રાજકીય સમ્માન સાથે અંતિમ સંસ્કાર કરવામાં આવ્યા. સારા અભિનયથી હિંદી સિનેમામાં જોરદાર છાપ ઊભી કરનાર શશિ કપૂરને વિદાઇ કરવા બોલીવુડ ઊમટ્યું હતું.
શશિ કપૂરની સાથે એક ડઝનથી વધારે ફિલ્મો કરનાર એમના નજીકના મિત્ર અમિતાભ બચ્ચન પણ પોતાના પુત્ર અભિષેક સાથે પહોંચ્યા હતા. શશિ કપૂરનું સોમવારે સાંજે લાંબી બીમારી બાદ મુંબઇની કોકિલાબેન ધીરુભાઇ અંબાણી હોસ્પિટલમાં નિધન થઇ ગયું હતું.
મંગળવાર સવારે એમ્બુલેન્સથી શિસ કપૂરના દેહને સાંતાક્રૂઝના સ્મશાન ઘાટ સુધી લઇ જવામાં આવ્યા. શશિ કપૂરના પુત્ર કરણે અંતિમ સંસ્કારની રસ્મ પૂરી કરી. પ્રધાનમંત્રી નરેન્દ્ર મોદીએ શશિના નિધન પર ઊંડો શોક વ્યક્ત કર્યો હતો. અને ટ્વિટ પણ કર્યું હતું.
અમિરખાન પ્રિયંકા ચોપડા ઋત્વિક રોશન અમિતાભ બચ્ચન કરણ જ્હોર અને અન્ય ફિલ્મી હસ્તિઓએ પણ શશિ કપૂરના નિધનનો શોક વ્યક્ત કર્યો હતો. અમિતાભ બચ્ચનએ શશિની સાથે પોતાની મિત્રતાને યાદ કરતાં ખૂબ જ ભાવુક બ્લોગ લખ્યો.