નવી દિલ્હી: વર્ષ 2018 અત્યાર સુધી શેર માર્કેટ માટે ખૂબ લકી સાબિત થઇ રહ્યું છે. વર્ષની શરૂઆતથી જ શેર બજારના નવા નવા રેકોર્ડ બનાવવાનો સિલસિલો જારી છે.
આ કારોબારી સપ્તાહના બીજા દિવસે પણ નવો રેકોર્ડ સ્તર પર પહોંચીને શરૂઆત કરી છે. મંગળવારે નિફ્ટી પહેલી વખત 11 હજારની પાર પહોંચ્યો છે. જ્યારે સેન્સેક્સ પણ 35994ના નવા સ્તર પર પહોંચી ગયો છે.
મંગળવારે નિફ્ટીએ 11 હજારના આંકડા પર પહોંચી ગયો છે. શરૂઆતના વેપારમાં નિફ્ટી 29 આંકડાના વધારા સાથે 11 025.20ના સ્તર પર કારોબાર કરી રહ્યો છે. તો સેનસેક્સ પણ 248ના આંકડાના વધારા સાથે 36046ના નવા સ્તર પર કારોબાર કરી રહ્યો છે.
શરૂઆતના કારોબારમાં સ્ટીલ આઇટી અને તેલ કંપનીઓના શેરોમાં તેજી જોવા મળી રહી છે. નવા વર્ષમાં શેર બજારમાં સતત તેજી બની રહી છે. બજાર સતત રેકોર્ડ બનાવવામાં લાગ્યું છે. સોમવારે પણ રેકોર્ડ સ્તર પર શરૂઆત કર્યા બાદ શેર માર્કેટ બંધ પણ રેકોર્ડ સ્તર પર થયું.
આ વેપારના સપ્તાહના પહેલા દિવસે નિફ્ટીએ નવો રેકોર્ડ રચ્યો. આ પહેલી વખત 10950ની પાર પહોંચીને બંધ થયો છે. સોમવારે નિફ્ટી 71.50 આંકડો વધીને 10966.20ના સ્તર પર પહોંચીને બંધ થયો.
ગત સપ્તાહથી શેર માર્કેટમાં બનેલી તેજી આ કારોબારી સપ્તાહના પહેલા દિવેસ પણ બનેલી છે. સોમવારે નિફ્ટી 10 900ની પાર ખુલ્યો અને સેન્સેક્સ પણ 35 659ની પાર પહોંચ્યો.