મોહન ભાગવતના નિવેદન પર કોંગ્રેસ અધ્યક્ષ રાહુલ ગાંધીના આકરા પ્રહારો

નવી દિલ્હી: રાષ્ટ્રીય સ્વંયસંવક સંઘના પ્રમુખ મોહન ભાગવતે ભારતીય સેના સાથે જોડાયેલું એક નિવેદન આપ્યું છે. જેના પર વિવાદ ગરમાઇ રહ્યો છે. કોંગ્રેસ અધ્યક્ષ રાહુલ ગાંધીએ સંઘ પ્રમુખના નિવેદનનો વીડિયો શેર કરતા તેમના પર પ્રહાર કર્યો. 

સંઘની તરફથી સફાઇ માં કહેવામાં આવ્યું છે કે. સંઘ પ્રમુખના નિવેદનને ખોટી રીતે રજૂ કરવામાં આવ્યું છે. રાહુલે કહ્યું કે સંઘ પ્રમુખે પોતાના ભાષણમાં તમામ ભારતીયોનું અપમાન કર્યું છે. તે દરેક માણસનું અપમાન છે. જેમણે દેશના માટે પોતાનો જીવ આપ્યો છે. રાહુલે ભાગવતના નિવેદનને શરમજનક ગણાવ્યું અને માફી માગવાનું કહ્યું છે. 

કોંગ્રેસ અધ્યક્ષ રાહુલ ગાંધીએ જણાવ્યું કે RSSના ચીફનું આ નિવેદન દરેક ભારતીયનું અપમાન છે. કારણ કે તેમણે દેશ માટે પોતાનો જીવ આપનારાઓનું અપમાન કર્યું છે. આ દેશના ઝંડાનું પણ અપમાન છે કારણ કે તિરંગાને સલામ કરનારા સૈનિકોનું અપમાન કરવામાં આવ્યું છે. ભાગવતને સેના અને શહીદોનું અપમાન કરવા માટે શરમ આવવી જોઇએ.