અબરામે SRKને અનોખા અંદાજમાં કર્યુ વિશ કહ્યુ 'હેપ્પી બર્થ ડે બર્ડે બૉય'

ફ્રેન્ડસ ફેમિલી મેમ્બર્સ અને કો સ્ટાર્સની સાથે પોતાના 52માં બર્થ ડેને સેલિબ્રેટ કર્યા પછી શાહરૂખ ખાને મીડિયા સાથે ખાસ સમય નીકાળીને વાતચીત કરી હતી. મીડિયા સાથેની વાતચીતમાં તેણે ફેન્સના પ્રેમ માટે પોતાની લાગણીઓ રજૂ કરી. ભાવુક થઈ ગયેલા શાહરુખે કહ્યું કે ''જ્યારે હજારો લોકોને મારા ઘરની બહાર આ રીતે જોઉં છું તો બહુ સારું લાગે છે. લોકોને પ્રેમ મારા માટે આશિર્વાદ સમાન છે. હું પ્રયત્ન કરું છું કે હું મારા તરફથી તેમને આટલો જ પ્રેમ પરત આપું.''

આ વાતચીત દરમિયાન બાળપણની એક ગિફ્ટની વાત કરતા કહ્યુ કે પપ્પા એક ટાઇપરાઇટર ગિફ્ટમાં આપ્યુ હતુ જે આજે પણ મારી પાસે છે. આ સિવાય એક રેકોર્ડ પ્લેયર અને એક તૂટેલો કેમેરા પણ છે જેને મેં હજુ પણ સંભાળીને રાખ્યો છે. 

અબરામે આ રીતે કર્યુ વિશ:
 પપ્પા પાસેથી મળેલી ગિફ્ટની વાત કર્યા પછી જ્યારે શાહરૂખને પૂછવામાં આવ્યુ કે તેના બાળકો તેને શું ગિફ્ટ આપી તો જવાબ આપતા શાહરૂખે કહ્યુ કે બાળકો પાસેથી હજુ સુધી કોઇ ગિફ્ટ મળી નથી પરંતુ અબરામે પોતાના અંદાજમાં વિશ કર્યુ જે ગિફ્ટથી કઇ ઓછું ન હતુ. તેણે કહ્યુ કે ''હેપ્પી બર્થ ડે બર્ડે બૉય.''

કરણ જોહરની ગિફ્ટ છે સૌથી સારી:
જ્યારે શાહરૂખને પૂછવામાં આવ્યુ કે સૌથી સારી ગિફ્ટ કઇ મળી? ત્યારે શાહરૂખે પોતાના ડિપ્લોમેટિક અંદાજમાં જવાબ આપ્યો કે ''ઘણી ગિફ્ટ મળી તમામ સારી છે... કરણ જોહરે એક હેન્ડબેગ આપી છે જેને અત્યાર સુધી ખોલીને જોઇ નથી.. તેના પર તેણે કોઇ મેસેજ લખાવ્યો છે.''

બાળકો હેલ્ધી રહે તે જ છે ઇચ્છા:
શાહરૂખને જ્યારે પૂછવામાં આવ્યુ કે તેની બર્થ ડે વિશ શું છે? ત્યારે તેણે જવાબ આપ્યો કે ''આ ઉંમરે પહોંચતા પહોંચતા વિચારવાની રીત અને વિશેઝ બદલાઈ જાય છે. હવે હું ઈચ્છું છું કે મારા બાળકો હેલ્ધી રહે ખુશ રહે. મારી ફિલ્મો સફળ થાય આ જ મારી વિશ છે. સૌથી વધુ હું ઈચ્છું છું કે હું લોકોની સાથે ધીરજ અને પ્રેમથી રહું.''

નહી કરું ધૂમ 4:
આ સિવાય મીડિયા સાથે વાતચીતમાં તેણે કહ્યુ કે તેની અપકમિંગ ફિલ્મમાં તે એક ઢીંગણા વ્યકિતનો રોલ કરી રહ્યો છે ફિલ્મનું નામ નક્કી થઇ ગયુ છે પરંતુ આ અંગેની જાણકારી તે વર્ષના અંત સુધીમાં આવશે. આ સાથે તેણે કન્ફર્મ કર્યુ કે તે ધૂમ 4 નથી કરી રહ્યો કેમકે તેની પાસે હાલમાં ડેટ્સ નથી.